Ambedkar Jayanti 2023 : डॉ. बाबासाहेब आंबेडकर जयंतीनिमित्त पीएमपी मार्गात बदल

पुणे : डॉ. बाबासाहेब आंबेडकर जयंतीनिमित्त १४ एप्रिल रोजी पुणे नगर परिवहन महामंडळाच्या (पीएमपीएमएल) काही मार्गांवर बदल करण्यात येणार आहेत. तसेच, १३ एप्रिल रोजी पुणे स्टेशन परिसरात येणाऱ्या नागरिकांसाठी रात्री १० ते पहाटे पाच वाजेपर्यंत स्वारगेट ते पुणे स्टेशनदरम्यान पीएमपीएमएलची बस सुविधा रात्रभर सुरू ठेवण्यात येणार आहे.

पुणे, पिंपरी चिंचवड आणि उपनगरांमध्ये डॉ. बाबासाहेब आंबेडकर यांची जयंती मोठ्या प्रमाणात साजरी केली जाते. तसेच, पुणे स्टेशन परिसरातील डॉ. बाबासाहेब आंबेडकर यांच्या पुतळ्यास पुष्पहार अर्पण करण्यासाठी नागरिकांची गर्दी होते.

या दिवशी डॉ. बाबासाहेब आंबेडकर स्थानक, ससून रोड आणि मोलेदिना बसस्थानकातून सुटणाऱ्या बसेस पुणे स्टेशन आगारातून सुटतील. तसेच, परतीच्या वेळी बंडगार्डन येथून येताना वाडिया कॉलेज, अलंकार चौक ते पुणे स्टेशन आगारदरम्यान बससेवा सुरू राहील. नागरिकांनी या बस सुविधेचा लाभ घ्यावा, असे आवाहन पीएमपीएमएलच्या सहव्यवस्थापकीय संचालकांनी केले आहे.