पाईट : कुंडेश्वर अपघातातील उर्वरित जखमी रुग्णांची अद्ययावत यादी करून त्यांना आवश्यक त्या सर्व वैद्यकीय सुविधा पुरवणार असल्याचे आश्वासन महाराष्ट्र विधान परिषदेच्या उपसभापती डॉ. नीलम गोऱ्हे यांनी दिले..कुंडेश्वर अपघातात मृत्यू पावलेल्या १२ महिलांच्या कुटुंबीयांच्या सांत्वन भेटीसाठी गोऱ्हे पापळवाडी (ता. खेड) येथे आल्या होत्या, त्यावेळी त्यांनी आश्वासन दिले. यावेळी विशेष कार्य अधिकारी (मंत्रालय) आनंद देवकर, खेडचे प्रांताधिकारी अनिल दौंडे, नायब तहसीलदार राम बीजे,चेतन मोरे, गटविकास अधिकारी विशाल शिंदे, पोलिस उपनिरीक्षक दत्तात्रेय जाधव, तालुका वैद्यकीय अधिकारी डॉ. विलास माने, शिवसेनेचे जिल्हाध्यक्ष भगवान पोखरकर, उपाध्यक्ष प्रकाश वाडेकर, नितीन गोरे, विजया शिंदे, मनीषा टाकळकर, जया बैरागी, मंडल अधिकारी मनीषा सुतार, ग्रामविकास अधिकारी अनिल फुलफगर तसेच मृतांचे, जखमींचे कुटुंबीय, नातेवाईक अंकुश दरेकर, नवनाथ दरेकर, जयसिंग दरेकर व इतर कुटुंबीय उपस्थित होते..उपसभापती डॉ. गोऱ्हे म्हणाल्या की, या घटनेतील उर्वरित सर्व जखमींची ऑनलाइन अद्ययावत यादी करून ज्यांना ज्या वैद्यकीय सुविधेची आवश्यकता आहे ती त्यांना चांगल्या दर्जाच्या हॉस्पिटलद्वारा पुरवण्याचे काम करू. जखमींना आणखी काही सुविधा देण्यासाठी राज्याचे मुख्यमंत्री, उपमुख्यमंत्री यांच्याशी चर्चा करणार आहे. तसेच उर्वरित रुग्णाच्या काही काळानंतर जखमा बऱ्या होतील पण मनावरचा हा मोठा आघात भरून येण्यास वेळ लागेल त्यासाठी सर्व रुग्ण बरे झाल्यावर पुन्हा नक्की भेटण्याचे भावनिक आश्वासन त्यांनी दिले. दरम्यान, पापळवाडी फाट्यावरील रामभाऊ चोरघे, तानाजी चोरघे, बाळासाहेब चोरघे यांच्या घरी देखील त्यांनी भेट देऊन विचारपूस केली..ते प्रश्न मार्गी लावू...कुंडेश्वर घाट रस्ता, तेथील रस्ता रुंदीकरण, संरक्षक कठडे याचे प्रस्ताव मागवून येत्या दोन ते तीन महिन्यांत प्रश्न मार्गी लावू असे आश्वासन विधान परिषदेच्या उपसभापती डॉ. गोऱ्हे यांनी ग्रामस्थांना दिले. तसेच येत्या काही महिन्यात पुणे जिल्हा परिषद व कंपन्यांच्या सीएसआर फंडातून सुमारे ७०० कोटींच्या निधीद्वारे जिल्ह्यातील सर्व शाळा, दवाखाने अद्ययावत होणार असल्याची माहिती त्यांनी उपस्थितांना दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
