पुणे - खराडी येथील हॉटेल स्टेबर्डमध्ये झालेल्या अमली पदार्थ पार्टीतील आरोपी डॉ. प्रांजल खेवलकर याने बुधवारी (ता. ६) सत्र न्यायालयात जामिनासाठी अर्ज केला आहे. पुणे पोलिसांच्या गुन्हे शाखेने गेल्या महिन्यात खराडीतील हॉटेलवर छापा टाकला होता..या कारवाईत पोलिसांनी गांजा आणि कोकेन असे अमली पदार्थ जप्त केले होते. या गुन्ह्यात डॉ. खेवलकरसह सात आरोपींना अटक करण्यात आली असून ते सध्या न्यायालयीन कोठडीत आहे.पोलिस कोठडीची मुदत संपल्यानंतर प्रथमवर्ग न्यायदंडाधिकारी एन. एस. बारी यांनी आरोपींना न्यायालयीन कोठडी सुनावली आहे. न्यायालयीन कोठडीत रवानगी झाल्यानंतर डॉ. खेवलकरने ॲड. ऋषिकेश गानू आणि ॲड. पुष्कर दुर्गे यांच्यामार्फत जामिनासाठी अर्ज केला आहे..डॉ. खेवलकरचा दुसरा मोबाईल, कॅमेरा, लॅपटॉप आणि घटनास्थळावरून मिळालेले डीव्हीआर तसेच इतर सहा आरोपींचे जप्त मोबाईल व पेन ड्राईव्ह पोलिसांनी जप्त केले आहे. आरोपींच्या इलेक्ट्रॉनिक डिव्हाईसमधून मोठ्या प्रमाणात डेटा मिळाला असून त्याचे विश्लेषण करण्यात येत आहे. तर पार्टीत गांजा तयार करणाऱ्याचा पोलिस शोध घेत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
