Pune News : रस्त्याच्या मधोमध झाडामुळे अपघाताचा धोका; प्रयेजा सिटी सोसायटी परिसरातील स्थिती, जवळच शाळा असल्याने चिंता

धायरी : वडगाव खुर्द येथील प्रयेजा सिटी सोसायटीकडून सिंहगड रस्त्याकडे जाणाऱ्या रस्त्याच्या मध्यभागी उभ्या असलेल्या वाळलेल्या झाडाच्या बुंध्यामुळे वाहनचालकांना अडचणींना सामोरे जावे लागत आहे. विशेषतः रात्रीच्या वेळी किंवा धूसर हवामानात हे झाड लक्षात येत नसल्याने अपघात होण्याची शक्यता वाढते. यामुळे ते हटविणे गरजेचे आहे.