DSK
DSK

डीएसके प्रकरण : फॉरेन्सिक ऑडिट रिपोर्ट कोर्टात दाखल करा; वकिलांनी केली मागणी

पुणे : गुंतवणूकदारांची कोट्यवधी रुपयांची फसवणूक केल्याप्रकरणात बांधकाम व्यावसायिक दीपक कुलकर्णी (डीएसके) यांच्याविरुद्ध दाखल असलेल्या गुन्ह्यातील अंतिम फॉरेन्सिक ऑडिट रिपोर्ट न्यायालयात दाखल करण्यात यावा, अशी मागणी डीएसके यांच्या वकिलांनी केली आहे. या बाबत आदेश होऊन गेली दोन वर्ष उलटल्यानंतरही अद्याप रिपोर्ट दाखल करण्यात आलेला नाही.

डीएसके यांचे वकील ऍड. प्रतीक राजोपाध्ये, ऍड. आशिष पाटणकर यांनी शुक्रवारी (ता.९) ही मागणी केली आहे. विशेष न्यायाधीश जयंत राजे यांच्या न्यायालयात या खटल्याची सुनावणी सुरू आहे. डीएसके यांच्याविरुद्ध दाखल असलेल्या गुन्ह्यात फॉरेन्सिक ऑडिट रिपोर्ट महत्त्वाचा असल्याचे पोलिस आणि सरकारी वकिलांकडून सांगण्यात येते आहे. मात्र, गेली दोन वर्षे वारंवार मागणी करूनही हा रिपोर्ट न्यायालयासमोर दाखल करण्यात आलेला नाही.

डीएसके यांनी गुंतवणूकदारांची कशी फसवणूक केली, याची माहिती या रिपोर्टमध्ये असल्याचे सांगण्यात येते आहे. त्यामुळे हा रिपोर्ट दाखल केला नाही म्हणून तपास अधिकाऱ्यांवर चुकीची माहिती दिल्याप्रकरणी कारवाई करावी, असा युक्तिवाद बचाव पक्षाकडून करण्यात आला. आम्ही दाखल केलेल्या अर्जाची दखल घेऊन पुढील सुनावणीच्या वेळी रिपोर्ट दाखल करण्यात यावा, असे तोंडी निर्देश न्यायालयाने दिल्याची माहिती ऍड. राजोपाध्ये यांनी दिली.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com