अकरावीच्या ऑनलाइन प्रवेशासाठी तब्बल पावणे चार लाख जागा उपलब्ध

राज्यात इयत्ता अकरावीच्या ऑनलाइन प्रवेश प्रक्रियेअंतर्गत जवळपास एक हजार ६४२ कनिष्ठ महाविद्यालयांमधून तब्बल तीन लाख ८२ हजार ७०१ जागा उपलब्ध झाल्या
education news 4 lakh seats available for online admission of 11th pune
education news 4 lakh seats available for online admission of 11th pune sakal

पुणे : राज्यात इयत्ता अकरावीच्या ऑनलाइन प्रवेश प्रक्रियेअंतर्गत जवळपास एक हजार ६४२ कनिष्ठ महाविद्यालयांमधून तब्बल तीन लाख ८२ हजार ७०१ जागा उपलब्ध झाल्या आहेत. या प्रवेश प्रक्रियेसाठी आतापर्यंत चार लाख ३० हजार ५४४ विद्यार्थ्यांनी ऑनलाइन नोंदणी केली आहे. माध्यमिक व उच्च माध्यमिक शिक्षण संचालनालयातर्फे पुणे, पिंपरी-चिंचवडसह मुंबई, नागपूर, नाशिक आणि अमरावती महापालिका क्षेत्रात केंद्रीय ऑनलाइन प्रवेश प्रक्रिया राबविण्यात येत आहे. या प्रवेश प्रक्रियेतंर्गत एकूण प्रवेशासाठी उपलब्ध जागा, कॅप फेरीअंतर्गत प्रवेशाच्या जागा, रिक्त जागा, कोट्यांतर्गत प्रवेशाच्या जागा याबाबत तपशील माध्यमिक व उच्च माध्यमिक शिक्षण विभागाने जाहीर केला आहे. त्यानुसार पुण्यात  ३०९ कनिष्ठ महाविद्यालयांनी नोंदणी केली आहे. त्याद्वारे एकूण एक लाख सहा हजार १४० जागा उपलब्ध झाल्या असून त्यातील ८१ हजार ६९९ जागा या केंद्रीय प्रवेश प्रक्रियेअंतर्गत उपलब्ध आहेत.

अकरावीच्या प्रवेशासाठी उपलब्ध जागांचा तपशील

महापालिका क्षेत्र : महाविद्यालयांची संख्या : एकूण प्रवेश क्षमता : ‘कॅप’अंतर्गत प्रवेश क्षमता

मुंबई : १,०११ : ३,७०,४७५ : २,३०,००२

पुणे : ३०९ : १,०६,१४० : ८१,६९९

नागपूर : १९४ : ५२,०६० : ३७,१८४

नाशिक : ६३ : २६,४८० : २२,०७६

अमरावती : ६५ : १६,१९० : ११,७४०

आतापर्यंत झालेल्या ऑनलाइन नोंदणी

महापालिका क्षेत्र : ऑनलाइन नोंदणी केलेल्या विद्यार्थ्यांची संख्या

मुंबई : २,७४,६२७

पुणे : ८९,८६०

नागपूर : ३०,८९५

नाशिक : २४,८३०

अमरावती : १०,३३२

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com