मंचर - ‘घर तेच, पण जागा मोकळी!’ असाच अनुभव मंचर (ता. आंबेगाव) येथील शकुंतला शिवाजी बागल (वय-८०) यांना आला. वर्षभर उपचारासाठी मुलीकडे गेलेल्या या वृद्ध महिला मंचर येथेपरतल्यानंतर त्यांचे घरच नजरेआड झाले..या धक्कादायक प्रकारानंतर त्यांनी मंचरपोलिस ठाणे व मंचरनगरपंचायतीत तक्रार दाखल केली होती. ‘सकाळ’ने या प्रकरणाची दखल घेऊन बातमी प्रसिद्ध केल्या नंतर प्रशासन हलले. अखेर संबंधित बांधकाम व्यावसायिकाने नऊ लाख रुपयांचा धनादेश देत आपली जबाबदारी मान्य केली..बागल यांनी आता नगरपंचायतीकडे केलेली तक्रार मागे घेत असल्याचे अधिकृत निवेदन मुख्य अधिकारी गोविंद जाधव यांनादिले असून, 'माझ्या घराचा मला मोबदला मिळाला आहे. माझी कोणा विरुद्ध ही तक्रार नाही मी तक्रार अर्ज मागे घेत आहे" असे त्यांनी स्पष्ट केले..१९६४ पासून बागल कुटुंबीय सर्व्हे नं. १७०/१८/अ, मालमत्ता क्र. १२१५ (नवीन क्र. ६/८०९), वार्ड क्र. ६ येथे वास्तव्यास होते. या घरात विटा, माती व दगडांचा पाया होता. पती (स्व.) शिवाजी बागल यांचे २०१९ मध्ये निधन झाले. त्यांची एकुलती एक मुलगी अनुराधा खांडोळकर भोसरीत राहते..शकुंतला बागल ता. २५ जून २०२५ रोजी मंचरला परत आल्या असता त्यांचे घरच अस्तित्वात नव्हते. त्यांनी बांधकाम व्यावसायिकावर संशय व्यक्त करत पोलिसांकडे तसेच नगरपंचायतीकडे धाव घेतली होती. माजी सरपंच दत्ता गांजाळे यांनीही हे प्रकरण लावून धरले होते. यासंदर्भात सकाळने बातमी प्रसिद्ध केली होती. आजीच्या संघर्षाला यश आले असून नागरिकांमध्ये समाधान व्यक्त केले जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
