कर्मचाऱ्यांच्या गणवेशाची तपासणी होणार | Sakal
sakal

बोलून बातमी शोधा

pune municipal corporation

कर्मचाऱ्यांच्या गणवेशाची तपासणी होणार

पुणे : पुणे महापालिकेच्या सेवकांना गणवेश बंधनकारक असताना, साध्या कपड्यांमध्ये हे कर्मचारी महापालिकेत काम करत आहेत. मात्र, आता प्रशासनाने यासंदर्भात परिपत्रक काढून सेवकांनी गणवेश परिधान करावा असे आदेश दिले आहेत. त्यावर नजर ठेवण्यासाठी एका अधिकाऱ्यांचीही नियुक्ती केली आहे. सेवकांकडून गणवेश घालण्यास टाळाटाळ केली जात असल्याचे वृत्त ‘सकाळ’ने दिले होते.

पुणे महापालिकेतील बांधकाम विभाग, घनकचरा विभाग, अग्निशामक विभाग यासह इतर विभागातील सेवक व शिपाई संवर्गातील कर्मचाऱ्यांना गणवेश बंधनकारक आहे. त्यासाठी त्यांच्या बँक खात्यात थेट पैसे जमा केले जातात. महापालिकेसह क्षेत्रीय कार्यालयांमध्ये सेवक हे रंगेबीरंगी शर्ट, टीशर्ट, जीन्स, स्पोर्ट बूट अशा गणवेशात वावरतात, त्यामुळे नागरिकांना कार्यालयाबाहेर सेवक कोण आहेत हे कळत नाही. तसेच कार्यालयीन शिस्तीचाही भंग होत आहे. विभाग प्रमुखांनी गणवेश घातला नसल्याचे निदर्शनास आणून दिले तरी बहुतांश कर्मचारी त्याकडे दुर्लक्ष करतात. मात्र, आता अतिरिक्त आयुक्त रवींद्र बिनवडे यांनी यासंदर्भात आदेश काढून गणवेश घालणे बंधनकारक केले आहे.

कर्मचाऱ्यांनी त्यांना बंधनकारक असलेला गणवेश स्वच्छ, निटनेटकेपणे घालणे आवश्‍यक आहे.याची तपासणी खातेप्रमुखांनी करावी. तसेच कामगार अधिकारी नितीन केंजळे यांनी त्यांची जबाबदारी सांभाळून महापालिकेत कर्मचारी गणवेश घातला आहे की नाही याची तपासणी करावी, असे बिनवडे यांनी आदेशात नमूद केले आहे.

Web Title: Employees Uniforms Inspected Avoid Wearing Uniforms Pune Municipal Corporation Employees

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top