अनाधिकृत बांधकामामुळे बस चालकांची कसरत

गोखलेनगर (पुणे) : बारामती हॉस्टेल ते कुसाळकर पुतळा चौक या मार्गावर अतिक्रमण व वाहतूक कोंडी मोठ्या प्रमाणावर होत आहे. वाहने उभी करण्यासाठी जागा न सोडता रस्त्यावर अनाधिकृत बांधकामे करून उद्योग थाटले आहेत. अतिक्रमाण विभाग, वाहतूक विभाग याकडे डोळेझाक करीत असून या रस्त्याने येणाऱ्या-जाणाऱ्या वाहनांना वाहतूक कोंडीला सामोरे जावे लागत आहे. 

हे ही वाचा : वालचंदनगर कंपनीने केली बुस्टरची निर्मिती; चाचणी करणारी देशातील एकमेव कंपनी

शनिवारी सकाळी साडेदहाच्या सुमारास बारामती हॉस्टेलजवळ दोन पी.एम.टी बस रस्त्याने जात असताना रस्त्याच्या बाजूला उभा केलेल्या गाड्यामुळे त्या वाहतूक कोंडीत आडकल्या होत्या. दोन मोठ्या गाड्या समोरासमोर आल्यावर सदरील रस्त्यावर वाहतूक कोंडी होते. रस्त्यावर अतिक्रमण झाल्याने रस्ता वाहतूकीसाठी कमी पडत आहे. दुकानामध्ये खरेदीसाठी आलेले नागरिक रस्त्यावर वाहने उभी करतात. दुकानदारांनी वाहने उभी करण्यासाठी जागा न सोडल्याने वाहतूक कोंडी व अतिक्रमण झाले आहे.

हे ही वाचा : गेली अनेक वर्षे माडगूळकर कुटुंबीय गदिमांच्या स्मारकासाठी प्रयत्न करीत आहेत.

जमतेम ८० फूटाचा रस्ता असताना देखील तळमजल्यावर पार्कींग सोडलेली नाही. तळमजल्यावर जवळपास सर्वांचेच व्यावसाय आहेत. यामुळे गोखलेनगरचा मुख्य रस्त्याचा प्रश्न जटील होत आहे.

रस्त्यावर अतिक्रमण असेल तर अतिक्रमण निरिक्षण आहेत त्यांना सांगून ते हटवायला सांगते. अनाधिकृत बांधकाम संबंधात संबंधित बांधकाम विभागाला कळवले जाईल.
- आशा राऊत, शिवाजीनगर - घोलेरस्ता क्षेत्रीय अधिकारी

पार्कींग सोडलेले नाही. तळमजल्याचा वापर व्यावसायिकांनी केला आहे. सकाळी दहा, सायंकाळी पाच नंतर मोठ्या प्रमाणात वाहतूक कोंडी होती. दुकानदारांनी पार्किंगची व्यवस्था करायला हवी.
- शैलेश हेंद्रे स्थानिक नागरिक.

रस्त्यावर वाहने असतील तर कारवाईसाठी गाडी पाठवत आहे. लवकरच कारवाई केली जाईल.
 - प्रकाश मासळकर, वाहतूक पोलिस निरीक्षक