वाघोली - विजयस्तंभ अभिवादनासाठी देशभरातून येणाऱ्या अनुयायींना कोणत्याही अडचणीला सामोरे जावे लागू नये यासाठी प्रत्येक विभागाने काळजीपूर्वक व कसून तयारी करावी. अशी सूचना पुणे पोलीस आयुक्त अमितेश कुमार यांनी केल्या..पेरणे फाटा येथील विजयस्तंभ अभिवादन कार्यक्रम तयारी आढवासाठी पोलीस प्रशासनासह इतर सर्व शासकीय विभागाच्या अधिकाऱ्यांनी विजयस्तंभावर भेट दिली. यानंतर झालेल्या बैठकीत संबंधित सर्व विभागाच्या अधिकाऱ्याकडून तयारी बाबत सर्व माहिती घेण्यात आली.विजयस्तंभ सजावट, प्रवेश बॅरिकेट्स, रॅम्प, पार्किंग, वाहतूक नियोजन, विजयस्तंभ परिसर नियोजन, पाणी व्यवस्था, आरोग्य नियोजन, पी एम पी एल बसेस नियोजन आदी विषयांवर चर्चा झाली. कोणता विभाग कधी पासून काम करणार. कशाप्रकारे तयारी करणार, जागा ताब्यात आल्या की नाही. बसेसची व्यवस्था कशी असेल. आदी सर्व माहिती पोलीस प्रशासनाने जाणून घेतल्या..या बैठकीसाठी पोलीस आयुक्त अमितेश कुमार, विभागीय आयुक्त डॉ. चंद्रकांत पुलकुंडवार, कोल्हापूर परिक्षेत्राचे विशेष पोलीस महानिरीक्षक सुनील फुलारी, ग्रामीण पोलीस अधीक्षक पंकज देशमुख, सहपोलीस आयुक्त रंजन कुमार शर्मा, अतिरिक्त आयुक्त मनोज पाटील, उपायुक्त हिम्मत जाधव, वाहतूक विभागाचे उपायुक्त अमोल झेंडे, सहायक पोलिस आयुक्त प्रांजली सोनावणे, शहर व ग्रामीण पोलीस दलातील अधिकारी, सार्वजनिक बांधकाम विभाग, जिल्हा परिषद, महावितरण, आरोग्य विभाग, बार्टी, पी एम पी एल, महसूल आदी विभागाचे अधिकारी उपस्थित होते..याबाबत विशेष दक्षता घेण्याच्या सूचना१) प्रवेश रांगेसाठी व बाहेर पडण्यासाठी उभारण्यात येणाऱ्या बरिकेट्स तसेच रॅम्पचे स्ट्रक्चरल ऑडिट करावे.२) पी एम पी एल बस चालकांना प्रशिक्षण व माहिती द्यावी.३) ज्या बसेस सुस्थितीत आहेत त्याच पाठवाव्यात.४) वाहतूक वळविण्याबाबत वेळोवेळी माहिती प्रसिद्ध करावी.५) मोबाईल व पाकीट चोरी होणार नाही याबाबत दक्षता घ्यावी. महिला सुरक्षा ही महत्वाची..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
