Pune Fraudn News : लेखापालाने बनावट नोंदी करून इव्हेंट कंपनीची दोन कोटींची फसवणूक

पुणे - लेखापालाने बनावट नोंदी दाखवून एका कंपनीची दोन कोटी रुपयांची फसवणूक केल्याचा प्रकार समोर आला आहे. हा प्रकार कोरेगाव पार्कमधील कंपनीत फेब्रुवारी २०१४ ते जानेवारी २०२४ या कालावधीत घडला..याबाबत जिनेंद्र दिलीप दोषी (वय ३८, रा. कोरेगाव पार्क) यांनी कोरेगाव पार्क पोलिस ठाण्यात फिर्याद दिली आहे. त्यावरून योगेश पोपट नवले (वय ३६) आणि त्याच्या नातेवाइकांविरुध्द गुन्हा दाखल करण्यात आला आहे..पोलिसांनी दिलेल्या माहितीनुसार, कोरेगाव पार्कमधील कॅनॉट प्लेस येथे जेनिसिस इव्हेंट मॅनेजमेंट कंपनीचे कार्यालय आहे. योगेश नवले या कंपनीत लेखापाल म्हणून कामास होता. त्याने कंपनीच्या भागीदारांचा विश्वास संपादन केला. कंपनीचे सर्व व्यवहार त्याच्याकडे सोपविण्यात आले होते. त्याने केंद्रीय प्रत्यक्ष कर मंडळाचा (सीबीएसई) कर भरत असल्याच्या बनावट नोंदी केल्या..मागील दहा वर्षांत त्याने कंपनीच्या बँक खात्यातून दोन कोटी रुपये स्वत:च्या आणि नातेवाइकांच्या बँक खात्यात हस्तांतरित केले. कंपनीच्या भागीदारांना ही रक्कम वस्तू व सेवा कर (जीएसटी) भरण्यात येत असल्याचे वाटले..परंतु जीएसटी विभागाकडून कंपनीला नोटीस आल्यानंतर हा प्रकार समोर आला. त्याने ही रक्कम परत न केल्याने कंपनीकडून पोलिस ठाण्यात तक्रार देण्यात आली. पुढील तपास पोलिस निरीक्षक (गुन्हे) चेतन मोरे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.