‘आर्ट बियोन्ड कॅनवास’तर्फे रविवारपर्यंत चित्रप्रदर्शन

पुणे, ता. १५ ः ‘आर्ट बियोन्ड कॅनवास’तर्फे घोले रस्त्यावरील राजा रविवर्मा कलादालनात आयोजित सामूहिक चित्रप्रदर्शनाचे उद्‍घाटन चित्रकार प्रकाश आंबेगावकर, झेन व्हार्टन आणि लेखक साईकत बक्षी यांच्या हस्ते नुकतेच झाले. रविवारपर्यंत (ता. १९) सकाळी ११ ते सायंकाळी ७ या वेळेत हे प्रदर्शन सर्वांसाठी खुले असेल. या प्रदर्शनात १९ कलाकार सहभागी झाले असून, त्यांची विविध माध्यमातील आणि तंत्रशुद्ध शैलीतील वैशिष्ट्यपूर्ण चित्रे रसिकांना पाहायला मिळणार आहेत. शरद तरडे व सुचिता तरडे हे प्रदर्शनात सहभागी कलाकारांशी संवाद साधून त्यांच्या चित्रकलेसंबंधी व तंत्रशुद्ध शैलीतील चित्रांची मांडणी, त्यातील आशय व संकल्पना यासंबंधी माहिती देतील.