व्यावसायिक अभ्यासक्रमाच्या प्रवेशअर्जास मुदतवाढ 

पुणे - सीईटी सेलची साइट हॅंग होणे, कागदपत्र अपलोड न होणे आणि विद्यापीठांकडून निकालपत्र न मिळणे या कारणामुळे विद्यार्थी हैराण झाले आहेत. अर्ज भरण्यासाठी काही अभ्यासक्रमांची आज शेवटची तारीख होती. त्यामुळे विद्यार्थी हवालदिल झाले होते. त्यानंतर सीईटी सेलने व्यावसायिक अभ्यासक्रमाच्या पदवी व पदव्युत्तर पदवीच्या अर्ज भरण्याच्या मुदतीत वाढ केली आहे, अशी माहिती सीईटी सेलचे आयुक्त चिंतामणी जोशी यांनी दिली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

गेल्या आठवड्याभरापासून सीईटी सेलने व्यावसायिक अभ्यासक्रमांचे अर्ज भरण्यास सुरवात केली आहे. राज्यातील विद्यापीठांनी पदवीच्या अंतिम वर्षाचे निकाल जाहीर केले असले तरी गुणपत्रिका विद्यार्थ्यांना मिळालेल्या नाहीत. त्यामुळे मुदतवाढ द्यावी, अशी मागणी केली जात होती. सोमवारी (ता. १४) थेट द्वितीय वर्ष इंजिनिअरिंग प्रवेश अर्ज भरण्याची शेवटचा दिवस असताना संकेतस्थळ दुपारपासून हॅंग झाले. त्यामुळे सीईटी सेलकडे तक्रार केली. त्याची दखल घेऊन, मुदतवाढ दिली. एमबीए प्रवेशासाठी उच्च न्यायालयाने ॲटमा, झॅट, जीमॅट आणि मॅट परीक्षा देणाऱ्या विद्यार्थ्यांना प्रवेश द्यावेत, असे आदेश दिल्याने त्यातही मुदतवाढ दिली आहे.

Corona Updates: पुण्यात हॉस्पिटलमधील रुग्णांचा आकडा ३ हजारांच्या आत 

अभ्यासक्रम व अर्ज भरण्याची सुधारित मुदत 
पदवी
अभियांत्रिकी प्रथम वर्ष - २२ डिसेंबर
अभियांत्रिकी द्वितीय वर्ष - २१ डिसेंबर
फार्मसी प्रथम वर्ष - २१ डिसेंबर 
फार्मसी थेट द्वितीय वर्ष - २१ डिसेंबर 
आर्किटेक्‍चर - २० डिसेंबर 
हॉटेल मॅनेजमेंट ॲण्ड केटरिंग टेक्‍नॉलॉजी - २३ डिसेंबर

आता शाळा बंद आंदोलन; पुणे, पिंपरी-चिंचवडमधील शाळांचे ३ दिवस ऑनलाइन शिक्षण बंद

पदव्युत्तर पदवी 
एमबीए-एमएमएस - २० डिसेंबर 
एमएई-एमटेक - २४ डिसेंबर
एमसीए - २३ डिसेंबर, 
एम. फार्म. - २३ डिसेंबर 
एम. आर्किटेक्‍चर - २३ डिसेंबर

पेट्रोलच्या दरात होणार घसरण; तज्ज्ञांचा अंदाज

Edited By - Prashant Patil