पुणे महापालिकेच्या शिष्यवृत्तीचे अर्ज भरण्यास मुदतवाढ

वैद्यकीय प्रवेशाच्या प्रवेश प्रक्रिया सुरू झालेली नसल्याने व अभियांत्रिकी, फार्मसी, कृषी पदवीसह इतर अभ्यासक्रमांच्या प्रवेश प्रक्रिया लांबणीवर पडल्या आहेत.
money
moneySakal
Summary

वैद्यकीय प्रवेशाच्या प्रवेश प्रक्रिया सुरू झालेली नसल्याने व अभियांत्रिकी, फार्मसी, कृषी पदवीसह इतर अभ्यासक्रमांच्या प्रवेश प्रक्रिया लांबणीवर पडल्या आहेत.

पुणे - वैद्यकीय प्रवेशाच्या (Medical Admission) प्रवेश प्रक्रिया सुरू झालेली नसल्याने व अभियांत्रिकी, फार्मसी, कृषी पदवीसह इतर अभ्यासक्रमांच्या प्रवेश प्रक्रिया लांबणीवर पडल्या आहेत. अनेक विद्यार्थ्यांचे (Student) प्रवेश निश्‍चीत झालेले नसल्याने त्यांना शिष्यवृत्तीसाठी (Scholarship) प्रवेशाचा पुरावा जोडणे शक्य नसल्याने हे विद्यार्थी पुणे महापालिकेच्या (Pune Municipal) शिष्यवृत्ती योजनेपासून वंचित राहण्याची शक्यता आहे. त्यामुळे या योजनेचे अर्ज भरण्यासाठी २८ जानेवारीपर्यंत मुदत वाढवली आहे. ही मुदत ३१ डिसेंबर रोजी संपणार होती, अशी माहिती अतिरिक्त आयुक्त ज्ञानेश्वर मोळक यांनी दिली.

महापालिकेतर्फे इयत्ता दहावीमधील विद्यार्थ्यांसाठी भारतरत्न मौलाना अबुल कलाम आझाद आणि बारावीच्या विद्यार्थ्यांसाठी लोकशाहीर अण्णाभाऊ साठे अर्थसाहाय्य योजनेतंर्गत शिष्यवृत्ती दिली जाते. यामध्ये समाज विकास विभागातर्फे महापालिका हद्दीत राहणाऱ्या विद्यार्थ्यांना दहावीमध्ये ८० टक्के गुण मिळाल्यास १५ हजार व बारावी एवढेच गुण मिळाल्यास २५ हजार रुपायांची शिष्यवृत्ती दिली जाते. महापालिकेच्या शाळांमधील व मागासवर्गीय विद्यार्थ्यांसाठी ही अट ६५ टक्क्यांची आहे.

money
पुणे : 31 डिसेंबर व 1 जानेवारीनिमित्त वाहतुकीत बदल

कोरोनामुळे यंदा पदवीच्या प्रवेश प्रक्रिया लांबली आहे. आरक्षणाच्या मुद्द्यावरून वैद्यकीय पदवी प्रवेशाची नीटचे प्रवेश अजून सुरूच झाले नाहीत. त्यामुळे अनेक हुशार विद्यार्थ्यांना महापालिकेच्या योजनेसाठी अर्ज भरता आलेला नाही, त्यामुळे आता २८ जानेवारीपर्यंतची मुदतवाढ दिली आहे. आतापर्यंत या योजनेसाठी ११ हजार ०९१ अर्ज आले आहेत. शिष्यवृत्तीसाठी पालिकेच्या अंदाजपत्रकात २१ कोटीची आहे, अशी माहिती मोळक यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com