कृषी, पशूसंवर्धन योजनांना अर्ज करण्यास २३ ऑक्टोबरपर्यंत मुदतवाढ

पुणे - जिल्हा परिषदेच्या स्वनिधीतून राबविण्यात येत असलेल्या कृषी व पशुसंवर्धन विभागाच्या व्यक्तीगत लाभाच्या योजनांसाठी आठवडाभर मुदतवाढ देण्यात आली आहे. यानुसार इच्छुकांना आता येत्या २३ आॅक्टोबरपर्यंत अर्ज करता येणार आहेत.

- ताज्या बातम्यांसाठी डाऊनलोड करा ई-सकाळचे ऍप

अतिवृष्टी, चक्रीवादळ आणि शेतकऱ्यांना सातबारा उतारा णिळण्यात येत असलेल्या अडचणींमुळे ही मुदतवाढ देण्यात येत असल्याचे कृषी व पशुसंवर्धन समितीचे सभापती बाबुराव वायकर यांनी सांगितले.

- पुण्याच्या बातम्या वाचण्यासाठी येथे ► क्लिक करा

जिल्हा परिषदेच्या व्यक्तीगत लाभाच्या योजनांसाठी यंदा आॅनलाइन आणि आॅफलाइन अर्ज स्विकारण्यात येत आहेत. यासाठी महालाभार्थी हे संकेतस्थळ कार्यान्वित करण्यात आले आहे. 

नियोजित कार्यक्रमानुसार कृषी विभागाच्या योजनांसाठी १५ आॅक्टोबर तर, पशूसंवर्धन विभागाच्या योजनांसाठी १६ आॅक्टोबरची अंतिम मुदत देण्यात आली होती.

Edited By - Prashant Patil