कोंढवा - परिसरातील एका बांधकाम प्रकरणात खंडणी उकळणे, दमदाटी करणे आणि महापालिकेकडे खोट्या तक्रारी करून बांधकामावर कारवाई घडवून आणल्याचा गंभीर प्रकार उघडकीस आला आहे. या प्रकरणी कोंढवा पोलिसांनी चौघांविरुद्ध गुन्हा दाखल केला आहे. .पोलिसांकडून मिळालेल्या माहितीनुसार, शफी गुलजारखान पठाण, समीर शफी पठाण, साजिद हसन शेख आणि कमल नितीन खैरनार अशी आरोपींची नावे आहेत. याबाबत ३६ वर्षीय व्यावसायिकाने फिर्याद दिली आहे. फिर्यादीने २०२४ मध्ये कोंढवा खुर्द येथे सुमारे ६० लाख रुपयांत जागा व जुनी इमारत खरेदी केली होती. त्यानंतर त्यांनी त्या ठिकाणी नवीन बांधकामास सुरुवात केली..बांधकाम सुरू झाल्यानंतर आरोपींनी फिर्यादीला धमकावत आमच्या परवानगीशिवाय या भागात बांधकाम होत नाही, असे सांगून दमदाटी केल्याचा आरोप आहे. तसेच, पुणे महापालिकेकडे तक्रार करून कारवाई करण्याची धमकी दिली. काही दिवसांतच महापालिकेकडून संबंधित बांधकामावर कारवाई करून मोडतोड करण्यात आल्याचे फिर्यादीत नमूद आहे.यानंतर आरोपींनी तक्रारी न करण्यासाठी व बांधकाम नियमित करून देण्याच्या नावाखाली २५ लाख रुपये तसेच एक २ बीएचके सदनिकेची मागणी केल्याचे समोर आले आहे. भीतीपोटी फिर्यादीने टप्प्याटप्प्याने एकूण १५ लाख रुपये रोख व बँक व्यवहाराद्वारे दिल्याचा दावा केला आहे. या प्रकरणाचा पुढील तपास कोंढवा पोलीस करत आहेत..प्रतिक्रिया -सबंधित प्रकरणात गुन्हा दाखल करण्यात आला असून पोलीस पुढील तपास करत आहेत. याबाबत लवकरात लवकर आरोपीना अटक करण्यात येईल. -कुमार घाडगे, वरिष्ठ पोलीस निरीक्षक, कोंढवा पोलीस ठाणे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
