वालचंदनगर - आयपीएस अधिकारी असल्याची बतावणी करुन शासकीय नोकरी लावण्याचे आमिष दाखवून दोन युवकांची ७ लाख ७१ हजार ५०० रुपयांची फसवणूक केल्याप्रकरणी वालचंदनगर पोलिसांनी तोतया आयपीएस अधिकाऱ्याला अटक केली..याप्रकरणी तौसिम इब्राहिम मनियार (वय ३३,रा.बारामती, मुळ रा. श्रीरामपुर जि. अहमदनगर) याला अटक केली आहे. याप्रकरणी करण अनिल तनपुरे (वय-२३, रा. शिरसटवाडी) या युवकाने वालचंदनगर पोलिस ठाण्यामध्ये फिर्याद दिली आहे..वालचंदनगर पोलिसांनी दिलेल्या माहितीनूसार १५ जुलै २०२१ ते १२ डिसेंबर २०२४ या कालावधीमध्ये मनियार याने शिरसटवाडीमधील अनिल तनपुरे याला आरोग्य सेवक तसेच राज्य उत्पादन शुल्क, महसुल खात्यामध्येही विभागामध्ये नोकरी लावण्याचे आमिष दाखवून त्याच्याकडून २ लाख ७१ हजार ५०० रुपये घेवून फसवणूक केली..मनियार याने अनिल तनपुरे याला केंद्र सरकारच्या महसुल विभागातील उत्पादन शुल्क विभागातील बनावट नियुक्ती पत्र देवून मुंबई कार्यालयामध्ये हजर राहण्यास सांगितले होते. मात्र तनपुरे याला संशय आल्याने त्याने चौकशी केली असता बनावट नियुक्तीपत्र असल्याचे लक्षात आले. तसेच अक्षय बाळासाहेब कदम याला ही पोलिस शिपाई पदावरती नोकरी लावण्याचे आमिष दाखवून त्यांच्याकडून ५ लाख रुपयांची फसवणूक केली..याप्रकरणी पोलिसांनी तौसिम इब्राहिम मनियार (वय-३३) याला अटक केली आहे. त्याला इंदापूर न्यायालयामध्ये हजर केले असता १७ डिसेंबर पर्यंत कोठडी दिली असुन, तपास वालचंदनगर पोलिस ठाण्याचे सहायक पोलिस निरीक्षक राजकुमार डुणगे यांच्या मार्गदर्शनाखाली पोलिस उपनिरीक्षक विजय टिळकीकर करीत आहेत..फसवणूक टाळण्यासाठी सावध रहा..यासंदर्भात वालचंदनगर पोलिस ठाण्याचे सहायक पोलिस निरीक्षक राजकुमार डुणगे यांनी सांगितले की, युवकांना नोकरीचे आमिष दाखवून फसवणूक होण्याचे प्रकार घडत आहेत. युवकांनी यापुढे सावध राहुन कोणालाही पैसे देवून नये. तसेच इतर युवकांची फसवणूक झाली असल्याचे पोलिस ठाण्याशी संपर्क साधण्याचे आवाहन केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
