खडकवासला - ‘फरार आरोपी नीलेश चव्हाणला पकडून ठेवलय’ असा फोन नांदेड सिटी पोलिसांना आला. पोलिसांचा ताफा तेथे पोहोचला. आणि फोन करणाऱ्यांने पोलिसांनाच खोटी माहिती दिल्याचे उघड झाले आहे. या प्रकरणी पोलिसांनी त्याच्याविरुद्ध गुन्हा दाखल केला..फरार आरोपीची माहिती आपण पोलिसांना दिल्यावर पोलिसांच्याकडून आपल्याला बक्षिसाची रक्कम मिळेल. या हेतूने त्याने ११२ या क्रमांकावर पोलिसांना फोन केला. फरार आरोपीबद्दल काही माहिती नसताना देखील त्यांनी खोटी माहिती पोलिसांना दिल्याबद्दल संतोष दत्तात्रय गायकवाड, (वय-३३) याच्याविरुद्ध नांदेड सिटी पोलिस ठाण्यात गुन्हा दाखल झाला आहे. अशी माहिती नांदेड सिटी पोलीस ठाण्याचे वरिष्ठ पोलीस निरीक्षक अतुल भोस यांनी दिली..त्याचे झाले असे की की, नांदेड सिटी पोलिस ठाण्याचे धायरी मार्शल वरील अंमलदार यांना पुणे शहर पोलीस नियंत्रण कक्षातून यांच्याकडून माहिती मिळाली की, फोन केलेल्या व्यक्तीच्या मुलांनी आंबेडकर चौक, जय गणेश कन्स्ट्रक्शन या ठिकाणी कॉलरचे मुलांनी आरोपीला पकडून ठेवले. वगैरे कळवले..त्यावर, किरकटवाडी बीट मार्शल अंमलदार यांनी नियंत्रण कक्षाला केलेल्या मोबाईल नंबरवर कॉल केला. फोन करणाऱ्यांनी ‘आम्ही वैष्णवी हगवणे प्रकरणातील फरार आरोपी चव्हाण हा पकडून ठेवला आहे. त्याची जवळ दोन पिस्तूल आहेत. आम्ही त्याला मारहाण करून गाडीचे डिक्कीत ठेवले आहे.’ असे सांगितल्याने त्या व्यक्तीचा शोध घेतला असता..ती व्यक्ती किरकटवाडी, येथील पानशेत रस्त्यावरील स्वागत हॉटेल येथे मिळून आला. त्याच्याकडे चौकशी केली. त्या व्यक्तीने खोटे कॉल करत असल्याचे आढळून आल्याने तसेच वैष्णवी हगवणे या गुन्ह्यातील कोणताही आरोपी त्याचे ताब्यात नाही. हे माहीत असताना सुद्धा पोलिसांना फोन करून खोटी माहिती पुरवल्याचा म्हणून गुन्हा नोंद करण्यात आलेला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
