पुणे - सासू-सुनेचे पटत नसल्यामुळे पती-पत्नीच्या संसारात निर्माण झालेला वाद अखेर घटस्फोटानंतरच मिटला. २०१८ पासून विभक्त राहणाऱ्या दांपत्याचा घटस्फोट पहिल्या तारखेलाच मंजूर झाला. कौटुंबिक न्यायालयाचे न्यायाधीश बी. डी. पाटील यांनी हा निकाल दिला आहे..अशोक आणि अश्विनी (नावे बदललेली) असे या जोडप्याचे नाव आहे. दोघांनी परस्पर संमतीने कौटुंबिक न्यायालयात घटस्फोटासाठी अर्ज दाखल केला होता. दोघांचा विवाह पारंपारिक पद्धतीने पाहणी करून एप्रिल २०१६ झाला. तो नोकरी करतो, तर ती गृहिणी आहे. दोघांना एक मुलगी असून ती आता सात वर्षांची आहे..सासू-सुनेत वाद होऊ लागले. वाद विकोपाला गेल्यानंतर पत्नी मुलीला घेऊन मे २०१८ मध्ये निघून गेली. त्यामुळे त्याने घटस्फोटासाठी २०१९ मध्ये एकतर्फी अर्ज केला. मात्र, तिला पुन्हा नांदायला न्यायाच्या अटीवर हा दावा काढून घेण्यात आला. त्यानंतर तिने २०२३ मध्ये कौटुंबिक हिंसाचार कायद्यानुसार दावा दाखल केला आहे. त्यानंतर दोघे एकत्रित येणे शक्य नसल्याने दोघांनी वकिलामार्फत घटस्फोटासाठी परस्पर संमतीने अर्ज केला. तो मंजूर झाला आहे. निकालानुसार मुलगी पत्नीकडे राहणार आहे, तर त्याने तिला ५ लाख रुपये दिले..पत्नीतर्फे ॲड. राणी कांबळे-सोनावणे, ॲड. ज्ञानदा कदम, ॲड. प्रियांका वाघ आणि ॲड. शीतल बडदे यांनी काम पाहिले, तर पतीतर्फे ॲड. कपिल दुसंगे यांनी काम पाहिले..कौटुंबिक वादातून दोघे सहा वर्षांपासून विभक्त राहत होते. दोघांनाही एकत्रित येणे शक्य नव्हते. परस्पर संमतीने दोघेही घटस्फोट घेण्यास तयार असल्याने दोघांना आणखी सहा महिने थांबविणे योग्य नव्हते. संमतीने घटस्फोटाचा दावा दाखल करण्यापूर्वी दोघे वेगळे राहत असल्यास सहा महिन्यांचा कालावधी वगळण्यात यावा, अशी मागणी करण्यात आली होती.- ॲड. राणी कांबळे-सोनावणे, पत्नीच्या वकील.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
