पुणे - आई-वडिलांशी किरकोळ वादातून घर सोडून निघालेली हिंगोली जिल्ह्यातील अल्पवयीन मुलगी पुण्यात आढळून आली. पोलिसांच्या तत्परतेमुळे हरवलेली ही १६ वर्षीय मुलगी तिच्या नातेवाइकांच्या ताब्यात सुखरूप परत देण्यात आली..फरासखाना हद्दीतील दत्त मंदिराजवळ एक अल्पवयीन मुलगी संशयास्पद फिरताना पोलिस मित्रांच्या लक्षात आली. याबाबतची माहिती तत्काळ वरिष्ठ पोलिस निरीक्षक प्रशांत भस्मे यांना देण्यात आली. वरिष्ठांच्या आदेशानुसार पोलिस उपनिरीक्षक अरविंद शिंदे, पोलिस अंमलदार गजानन सोनुने, रेखा राऊत, सारिका गुंजाळ आदींनी तपास करत मुलीला विश्वासात घेतले..चौकशीत, वारंगा फाटा (ता. कळमनुरी, जि. हिंगोली) येथील ती मुलगी असून, घरातील किरकोळ वादातून ती घरातून निघून आल्याची माहिती समोर आली. फरासखाना पोलिसांनी तत्काळ हिंगोली जिल्ह्यातील आखाडा पोलिस ठाण्याशी संपर्क साधला.ही मुलगी हरविल्याबाबत गुन्हा दाखल असल्याचे निष्पन्न झाले. तपास अधिकाऱ्यांशी समन्वय साधून मुलीला तिच्या आई-वडिलांच्या आणि स्थानिक पोलिसांच्या ताब्यात देण्यात आले..ही कारवाई अतिरिक्त पोलिस आयुक्त राजेश बनसोडे, उपायुक्त कृषिकेश रावले, सहाय्यक आयुक्त अनुजा देशमाने यांच्या मार्गदर्शनाखाली करण्यात आली. या शोध मोहिमेत पोलिस निरीक्षक अजित जाधव, सहाय्यक निरीक्षक उत्तम नामवाडे, वैभव गायकवाड, अनिता साबळे, मनिषा पुकाळे, अर्चना ढवळे, सोनाली भालेराव, तसेच पोलिस मित्र तेजश्री कुपरे, प्रसाद बनसोडे व कार्तिक घोडेकर यांचे योगदान लाभले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
