पारगाव - काठापूर बुद्रुक, ता. आंबेगाव येथील शेतकरी कुटुंबातील अनिकेत चंद्रकांत करंडे याने महाराष्ट्र लोकसेवा आयोगाच्या पोलिस उपनिरीक्षक परीक्षेत यश मिळवित फौजदार पदाला गवसणी घातली. या यशाबद्दल त्याचे सर्वत्र कौतुक होत आहे.
अनिकेत करंडे याने ग्रामीण भागात राहून जिद्दीने अभ्यास करून हे यश मिळवले. काठापूर बुद्रुक येथील जिल्हा परिषद प्राथमिक शाळा (झाप) येथे त्याचे पहिली ते सातवीपर्यंतचे शिक्षण झाले. त्यानंतर आठवी ते दहावीचे शिक्षण संगमेश्वर विद्यालय (पारगाव) तर पुढे मेकॅनिकल इंजिनियर चे शिक्षण व्ही आय.टी.(पुणे) येथुन पुर्ण केले.
शिक्षण पुर्ण झाल्यावर अनेक कंपण्यांमध्ये कामाची संधी असतानाही लोकसेवा आयोगाच्या माध्यमातून परीक्षा देऊन अधिकारी होण्याची ईच्छा असल्याने त्या नंतर त्याने स्पर्धा परीक्षेचा अभ्यास सुरू केला होता.
कोणत्याही संस्थेत अभ्यास न करत स्वताच अभ्यास करून एप्रिल 2023 मध्ये दिलेल्या पोलिस उपनिरीक्षपदाच्या परीक्षेचा निकाल नुकताच लागला.आपल्या ध्येयावर ठाम राहुन त्याने हे यश मिळवले आहे.
त्याला पी.एस.आय.विक्रम कर्डीले यांचे मार्गदर्शन मिळाले. शेतकरी कौटुंबिक पार्श्वभूमी असलेल्या अनिकेतची आई सुशिला व वडील चंद्रकांत करंडे शेती करुन आपले कुटुंब चालवत आहेत. त्याने मिळवलेले हे यश गावातील इतर तरुणांना मार्गदर्शक आहे.
त्याने मिळवलेल्या यशाबद्दल पुणे म्हाडाचे अध्यक्ष व माजी खासदार शिवाजीराव आढळराव पाटील यांच्या हस्ते अनिकेत करंडे याचा सत्कार करण्यात आला यावेळी भैरवनाथ पतसंस्थेचे उपाध्यक्ष सागर काजळे, संचालक योगेश बाणखेले, अशोक गव्हाणे, हनुमंत तागड, राहुल बांगर, रमेश खरमाळे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.