धक्कादायक! नराधम बापाने व चुलत्यांनी चार दिवसांच्या बाळाला दरीत फेकले

पुणे : नराधम बापाने व चुलत्यांनी आईच्या समोरच चार दिवसांच्या बाळाला ताम्हिणी घाटातील दरीत फेकून दिल्याची धक्कादायक घटना पुण्यात घडली आहे. या घटनेने पुण्यात खळबळ उडाली आहे. शिवदुर्ग मित्र ही संस्था आणि एमएमआरसीसीचे कार्यकर्ते मिळून सकाळपासून बाळाचा शोध घेत होते तर बाळाचा टॉवेल सापडला असल्याचेही समोर आले आहे.

कोविड सेंटरमध्ये घोटाळ्याच्या सोमय्यांच्या आरोपांवर अजित पवारांनी दिलं उत्तरमंगल चव्हाण या ५ फेब्रुवारी रोजी इंडिका कारने रत्नागिरी जिल्ह्यातील खेड तालुक्यातील अंबडस गावी त्यांची मुलगी सारीका आणि नुकतेच जन्मलेले चार दिवसांचे बाळाला घेऊन जात होत्या. पहाटे पाच वाजल्याच्या सुमारास त्यांची कार ताम्हिणी घाटात असताना मंगल हिचा पती सचिन चव्हाण व त्याचे भाऊ तिथे पोहोचले. त्यांनी रस्त्यात इंडिका कार थांबवली चार दिवसांच्या बाळालाचा गळा आवळून त्याला दरीत टाकले. या विषयी मंगल चव्हाण यांनी पौंड येथील पोलीस स्टेशनमध्ये तक्रार दिली. त्यानंतर हा सर्व प्रकार उघडकीस आला.

यानंतर पोलिसांनी अंबडस येथून संजय चव्हाणसह त्याच्या भावांना ताब्यात घेतले. या प्रकरणी अधिक चौकशी सुरू आहे.