आंधळगाव - शिरूर तालुक्यातील न्हावरे-चौफुला राष्ट्रीय महामार्गावर आंधळगाव येथे कुत्रा आडवा आल्याने मोटार खोल खड्ड्यात जाऊन झालेल्या भीषण अपघातात वडिलांचा मृत्यू झाला, तर चालक मुलगा किरकोळ जखमी झाला..बाळासाहेब रामभाऊ नाईकवाडी (वय-५६, रा. राधाअकोले, ता. अकोले, जि. अहिल्यानगर), असे अपघातात मृत्यू झालेल्या व्यक्तीचे नाव आहे. ही घटना मंगळवारी (ता. ६) मध्यरात्री १२.५० वाजण्याच्या सुमारास घडली..शिरूर पोलिसांनी दिलेल्या माहितीनुसार, यश बाळासाहेब नाईकवाडी (रा. राजापूर, ता. संगमनेर) हे आपले वडील बाळासाहेब नाईकवाडी यांच्यासह मोटारीतून (क्र. एमएच ११ सीक्यू ७०५०) बारामतीकडे जात होते. आंधळगाव येथे जुन्या बंद असलेल्या कंपनीजवळ अचानक कुत्रा रस्त्यावर आला..त्याला वाचविण्याचा प्रयत्न करताना ताबा सुटल्यामुळे मोटार रस्त्याच्या खाली जाऊन खोल खड्ड्यात आदळली. यावेळी बाळासाहेब नाईकवाडी हे मोटारीबाहेर फेकले गेले. त्यात ते जखमी झाले. त्यांना तत्काळ न्हावरे येथील ग्रामीण रुग्णालयात नेण्यात आले..मात्र, डोक्याला गंभीर दुखापत झाल्याने उपचारापूर्वीच त्यांचा मृत्यू झाला. तर, यश यांना किरकोळ दुखापत झाली. या प्रकरणी दीपक सखाराम सोनवणे (वय-३५, रा. राजापूर, ता. संगमनेर) यांनी दिलेल्या फिर्यादीवरून अपघातास कारणीभूत ठरल्यामुळे यश नाईकवाडी यांच्यावर गुन्हा दाखल केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
