निर्माण व्यसनमुक्ती व मानसोपचार केंद्रात राष्ट्रपिता महात्मा गांधी जयंती साजरी

विश्रांतवाडी : लोहगाव येथील निर्माण व्यसनमुक्ती व मानसोपचार केंद्रात महात्मा गांधी जयंती, निर्माण संस्थेचा सातवा वर्धापन दिवस व जागतिक मानसिक आरोग्य दिन असा तिहेरी कार्यक्रम मोठ्या उत्साहपूर्ण वातावरणात साजरा झाला. यावेळी निर्माणचे संस्थापक साहेबराव दराडे यांनी महात्मा गांधीजींच्या विचारप्रेरणेतून निर्माणची स्थापना करण्याची प्रेरणा मिळाल्याचे सांगितले. डॉ भालचंद्र काळमेघ यांनी जागतिक मानसिक आरोग्य सप्ताहानिमित्त 3ऑक्टोबर ते 10 ऑक्टोबरपर्यंत विनामूल्य व्यसनरूग्ण व मानसिकरुग्ण यांची बाह्य रुग्ण तपासणी करण्यात येणार असल्याचे सांगितले.

त्यानिमित्त 3 ऑक्टोबर ते 10 ऑक्टोबरमधील सोमवार, बुधवार व शुक्रवार यादिवशी दुपारी दोन ते पाच या वेळेत रुग्णांची तपासणी करण्यात येईल. यावेळी प्रा. विलास गरुड, सुभेदार प्रकाश नवले, सुभेदार मेजर पी. एस. पाटील, कल्पेश कुलकर्णी, मैथिली मिश्रा आदी मान्यवर उपस्थित होते.यावेळी रुग्णमित्रांनी "इतनी शक्ती हमें देना दाता" हे प्रेरणा भक्तिगीत सादर केले. कार्यक्रमाचे आभार पूजा जोशी यांनी मानले. सूत्रसंचालन प्रा प्रकाश दळवी यांनी केले.