Video:पुण्यात कोरोनामुळं महिलेचा मृत्यू झाल्याची अफवा; जाणून घ्या वास्तव 

पुणे Coronavirus : कोरोना लॉकडाऊनमध्ये सगळ्यांत मोठी समस्या असेल तर ती सोशल मीडियावरील अफवांची, रोज एक नवी अफवा सोशल मीडियावर पसरत आहे. पुण्यात आज, एका महिलेचा कोरोनामुळं मृत्यू झाल्याची अफवा पसरली होती. 

पुण्याच्या आणखी बातम्या वाचण्यासाठी येथे ► क्लिक करा

रास्ता पेठेत राहणाऱ्या मेघा श्रीकांत व्यास- शर्मा (वय 33) यांच्या मृत्यूबाबत फेसबुक, व्हाट्सएपवर उलट- सुलट चर्चा असलेला मजकूर फिरत आहे. सकाळने factswithsakalअंतर्गत शोध घेतला असता,  शर्मा यांचा कोरोनामुळे नव्हे तर हृदयविकारामुळे मृत्यू झाल्यााची माहिती मिळाली. त्यामुळे सोशल मीडियावर या बाबत फिरत असलेली पोस्ट ही अफवा असल्याचे स्पष्ट झाले आहे. याबाबत माहिती अशी, शर्मा यांना 22 एप्रिल रोजी हृदयविकाराचा झटका आला. त्यानंतर त्यांना खासगी रुग्णालयात दाखल करण्यात आले. तेथे उपचारादरम्यान त्यांचा मृत्यू झाला. त्यांची कोरोनाचीही चाचणी झाली होती. ती निगेटिव्ह आली आहे. त्या मुळे त्यांच्या मृत्यूचा आणि कोरोनाचा काही संबंध नसल्याचे स्पष्ट झाले आहे. मृत्यू दाखल्यातही तसेच म्हटले आहे. 

पुण्याच्या आणखी बातम्या वाचण्यासाठी येथे ► क्लिक करा

मेघा यांना 8 वर्षांचा मुलगा आहे. त्यांचे पती श्रीकांत हे डॉक्टर आहेत. मेघा यांच्या मृत्यूचा कोरोनाशी संबंध सोशल मीडियावर जोडण्यात आल्यामुळे शर्मा, व्यास कुटुंबियांना त्रास होत असल्याचे स्थानिक नगरसेविका पल्लवी जावळे यांनी सांगितले.