वाघोली - पत्नीच्या अनैतिक संबंधाचे फोटो मागितल्याचा कारणावरून दोन गटात वाद झाले. एका गटातील एकाने अग्निशस्त्रातून हवेत दोन वेळा गोळीबार करून दुसऱ्या गटातील दोघांना मारहाण केली. लोणीकंद पोलिसांनी १२ तासात मारहाण करणाऱ्या दोघांना अटक केली.
ओंकार अंकुश लांडगे (वय-25 वर्षे, रा. वाडेगाव, ता. हवेली), गणेश संजय चौधरी (वय-29 वर्षे, रा. वाडेगाव, ता. हवेली ) अशी अटक केलेल्यांची नावे आहेत. या प्रकरणी अजित महादेव जाधव यांनी फिर्याद दिली.
पोलिसांनी दिलेल्या माहितीनुसार, गणेश याने त्याचे पत्नीचे अनैतिक संबंधाचे फोटो अजित याला मागितले. यावरून दोघांमध्ये वाद झाला. हा वाद मिटविण्यासाठी गणेश याने दोघांना बोलविले. यानंतर अग्निशस्त्रातून हवेत दोन वेळा गोळीबार करून दोघांना लाकडी दांडक्याने व लाथा बुक्क्यांनी मारहाण केली. यानंतर ते फरार झाले.
गुन्हा दाखल होताच पोलिसांनी सूत्रे फिरवून १२ तासाच्या आत दोघांना अटक केली. लोणीकंदचे वरिष्ठ पोलिस निरीक्षक सर्जेराव कुंभार यांच्या मार्गदर्शनाखाली तपास पथकाचे सहायक पोलिस निरीक्षक रवींद्र गोडसे व त्यांच्या पथकाने ही कामगिरी केली. लोणीकंद पोलीस पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.