पुणे - नववर्षाच्या पहिल्याच दिवशी शहराच्या मध्यवर्ती भागामध्ये मोठ्या प्रमाणात वाहतूक कोंडी निर्माण होऊन पुणेकरांना नवर्षाची सायंकाळ वाहतूक कोंडीमध्येच काढावी लागली. अवघ्या काही मिनिटांच्या प्रवासासाठी बुधवारी वाहन चालकांना तब्बल एक ते दीड तास इतका वेळ लागला.
नववर्षाच्या पहिल्या दिवशी दगडूशेठ गणपती मंदिरामध्ये भाविकांची मोठ्या प्रमाणात गर्दी होते. त्यामुळे वाहतूक पोलिसांनी शिवाजी रस्ता बस, कार यांना वाहतुकीसाठी बंद ठेवला. ही वाहतूक जंगली महाराज रस्त्याने खंडुजीबाबा चौकमार्गे स्वारगेटला वळविण्यात आली. त्यामुळे जंगली महाराज रस्ता, शिवाजी रस्त्यावरील महापालिका ते मंडई परिसरामध्ये सकाळपासूनच काही प्रमाणात वाहतूक कोंडी निर्माण होऊ लागली होती. दुपारी चारनंतर जंगली महाराज रस्ता, महापालिका, मध्यवर्ती भागातील पेठा, शिवाजी रस्त्यावर वाहतूक कोंडी झाली. दगडूशेठ गणपती मंदिर, शनिवारवाडा पाहण्यासाठी आलेल्या नागरिकांची गर्दी लक्षात घेण्यात आली नाही.
वाहतूक शाखेचे अपर पोलिस आयुक्त डॉ. संजय शिंदे यांनी मागील अनुभवावरून वाहतूक शाखेच्या अधिकाऱ्यांना योग्य ती खबरदारी घेण्याची सूचना मंगळवारी सायंकाळी दिली होती. मात्र, सूचनांकडे दुर्लक्ष आणि सूक्ष्म नियोजन न केल्यामुळे कोंडी झाली. पोलिस दलातील वरिष्ठ अधिकाऱ्यांवरही वाहतूक कोंडीमध्ये अडकण्याची वेळ आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.