Thousands of villagers gathered to witness the grand departure of the inaugural Karde Dindi during the Ashadhi Wari.
Sakal
शिरूर : महिलांच्या डोईवर तुळशी वृंदावन तर पुरूषांच्या खांद्यावर भगवी पताका... टाळ - मृदुंगाच्या गजराला लेझिमचा लयबद्ध नाद... मुखी हरिनामाचा गजर... ज्ञानोबा - तुकारामाच्या जयघोषासह नाथ साहेबांचं चांगभलं च्या गजराने आसमंत दुमदूमून गेलेला... संतांच्या पवित्र परंपरेचा वारसा जपत करडेकर ग्रामस्थांच्या श्री भैरवनाथ - जोगेश्वरी पायी दिंडी सोहळ्याने आज पंढरपूरकडे प्रस्थान ठेवले. सुमारे पाचशे वैष्णवांच्या सहभागाने विठूरायाच्या चरणी भक्तीचे अर्पण घेऊन निघालेल्या या पहिल्याच सोहळ्याला निरोप देण्यासाठी अवघा गाव लोटला होता.
