Vertilas Flat Owners Protest
ESakal
पुणे, ता. २९ : घराचे स्वप्न पूर्ण करण्यासाठी आर्थिक गणिते जुळवून सोने विकून आणि कर्ज काढून सदनिका बुक केली. जून २०२४ मध्ये तिचा ताबा मिळेल, असे बांधकाम व्यावसायिकाने सांगितले होते. मात्र गेल्या दोन वर्षांपासून संथ गतीने काम सुरू आहे. आंदोलन केले म्हणून विकसक आता प्रकल्पावर जाऊ देत नाही. पोलीस आणि महारेराकडे तक्रार दाखल केली आहे. मात्र त्यावर अद्याप ठोस निर्णय नाही. त्यामुळे आजही भाडेतत्त्वावरील घरात राहत असून ताबा न मिळालेल्या सदनिकेचे हप्ते भरत आहोत.