मार्केट यार्ड : संतश्रेष्ठ ज्ञानेश्वर महाराज आणि जगद्गुरू संत तुकाराम महाराज यांच्या रथांच्या आणि पालख्यांच्या सजावटीसाठी रोज सुमारे ४०० ते ५०० किलो फुले लागतात. याशिवाय गुलाबाच्या ६०० ते ७०० गड्ड्या लागतात. .वारीत फुलांच्या सजावटीला विशेष महत्त्व असल्याने रंगीबेरंगी फुलांनी रथ सजविला जातो. दरवर्षी आळंदीतील महाद्वाराला तोरण बांधून आणि माउलींच्या पादुकांना हार घालून सजावटीची सुरुवात केली जाते. पालखी आणि रथाच्या सजावटीसाठी रोज सात ते आठ तास लागतात. सायंकाळी सहा वाजल्यानंतर सजावटीची तयारी सुरू होते, अशी माहिती सजावटकार सुदीप गरुड यांनी दिली. फुलांच्या घड्या, आडव्या-उभ्या माळा, तोरण, विविध प्रकारचे हार तयार केले जातात..काही प्रकारची फुले पाण्यात दोन ते तीन तास ठेवली जातात. रथ आणि पालखीच्या बाजूच्या माळा तयार केल्या जातात. त्यानंतर रथाची सजावट केली जाते. फुलांव्यतिरिक्त सजावटीसाठी स्पंज, सुतळी, जाळी, दोरा आदींचा वापर होतो. पुण्यात दोन्ही पालख्यांची सजावट करणारे दादा ताम्हाणे यांनी सांगितले की, ‘दोन्ही पालख्या सजविण्यासाठी पूर्ण रात्र लागते. आठ जण सतत सक्रिय असतात.’.या फुलांचा वापरशेवंती, डच गुलाब, कार्नेशन, सूर्यफूल, झेंडू, गुलछडी, लिली, आष्टर, ऑर्किड, गोंडा, जरबेरा, मोगरा, अबोली व विविध प्रकारची फुलेगरुड कुटुंबाचा पुढाकारसुमारे ३९ वर्षांपूर्वी आळंदीचे माजी नगराध्यक्ष दिवंगत नानासाहेब गरुड यांनी सजावटीची जबाबदारी घेतली. तेव्हापासून सातत्याने रथ आणि पालखीची सजावट करतात. सध्या संदीप, प्रदीप, सुदीप नानासाहेब गरुड आणि त्यांचे कुटुंब पंढरपूरकडे जाताना पंधरा दिवस आणि परत आळंदीला येताना दहा दिवस, असे एकूण २५ दिवस हे काम श्रद्धेने करतात..आधीच्या दिवशीची संपूर्ण सजावट काढली जातेत्यानंतर सजावटीचे काम सुरू सायंकाळी सहा ते रात्री एक या वेळेत सजावटीचे काम होतेदररोज वेगवेगळ्या प्रकारची सजावट १२ कारागीर दररोज सेवा म्हणून काम करतात.मार्केट यार्डातील उपलब्धतेनुसार व्यापारी फुले खरेदी करतात. ती वाहनांतून पाठविली जातात. वारीच्या काळाची व्यापारी आतुरतेने प्रतीक्षा करीत असतात. - अरुण वीर, अध्यक्ष, अखिल पुणे फूलबाजार अडते संघटना सेवा सजावटीसाठी कारागीर विनामूल्य काम करतात. १२ कारागीर सहकाऱ्यांच्या मदतीने दररोज रथाची आणि पालखीची सर्व सजावट केली जाते. संत ज्ञानेश्वर महाराजांची सेवा करण्याची संधी या माध्यमातून मिळते. - सुदीप नानासाहेब गरुड, सजावटकार, आळंदी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
