लाखणगावात सामाजिक वनीकरण अंतर्गत १५ हजार रोपांचे होणार वृक्षारोपण | Sakal
sakal

बोलून बातमी शोधा

वृक्षारोपण

लाखणगावात सामाजिक वनीकरण अंतर्गत १५ हजार रोपांचे होणार वृक्षारोपण

पारगाव : लाखणगाव ता. आंबेगाव येथील चारंगबाबा गायरान क्षेत्रातील एकूण ३० एकर क्षेत्रात सामाजिक वनीकरण विभाग व ग्रामपंचायतीच्या वतीने विविध प्रकारच्या झाडांच्या १५ हजार रोपांचे वृक्षारोपण करण्यात येणार असल्याची माहीती सरपंच प्राजक्ता रोडे पाटील यांनी दिली. पावसाळा सुरु झाल्यानंतर सामाजिक वनीकरण विभागच्या वतीने २५ एकर क्षेत्रात सीताफळ, चिंच, कडूनिंब, करंज, मोहा, जांभूळ, शिवण, बेल, कांचन, आपटा, आवळा, शिसु, वड, बांबू, पिंपळ, आंबा आदी प्रकारच्या झाडांचे ११ हजार १११ रोपांचे वृक्षारोपण करण्यात येणार आहे.

तसेच ग्रामपंचायतीच्या वतीने पाच एकर क्षेत्रात तीन हजार रोपांचे वृक्षारोपण करण्यात येणार आहे या सर्व ३० एकर क्षेत्रात खड्डे घेण्याचे काम सुरु असून सामाजिक वनीकरण विभाग आंबेगाव च्या वनपरिक्षेत्र अधिकारी जयश्री पवार, वनपाल सारिका बुट्टे,संतोष बिराजदार,,वनमजूर सय्यद, निरगुडसरचे माजी उपसरपंच रामदास वळसे पाटील यांनी भेट देऊन पाहणी करून कामाचा आढावा घेतला यावेळी सरपंच प्राजक्ता रोडे पाटील, खरेदी विक्री संघाचे संचालक मनोजकुमार रोडे, शिरीषकुमार रोडे, संतोष टाव्हरे, लहु पडवळ, केरभाऊ गाडगे उपस्थित होते.

या सर्व रोपांची लागवड पर्जन्याच्या परिस्थिती पाहून करण्यात येईल असे जयश्री पवार यांनी सांगितले.गृहमंत्री दिलीप वळसे पाटील, जिल्हा परिषदेचे माजी उपाध्यक्ष विवेक वळसे पाटील यांच्या मार्गदर्शनाखाली

दोन वर्षापूर्वी ग्रामपंचायतीने गवळीबाबा गायरानातील 58 एकर क्षेत्रात विविध प्रकारच्या वृक्षांच्या अडीच हजार रोपांचे वृक्षारोपन केले होते मागीलवर्षी चारंगबाबा गायरानातील वन विभागाच्या वतीने 60 एकर क्षेत्रात केशर आंबा, सिताफळ,चिंच आदी वृक्षांच्या पाच हजार रोपांचे वृक्षारोपण केले होते व यावर्षी १५ हजार रोपांचे वृक्षारोपण करण्यात येणार असल्याचे सरपंच प्राजक्ता रोडे पाटील यांनी सांगितले.

Web Title: Forestry Planted Lakhangaon Social

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top