पिंपरीतील शिवसेनेच्या माजी शाखाप्रमुखाचा मुळशीत खून; पुरावे नष्‍ट करण्‍याचा प्रयत्‍न

माले (पुणे) : मुळशी खुर्द (ता.मुळशी) येथे हॉटेल दिशाज जवळील रस्‍त्‍याकडेला बुधवारी (ता.१०) सकाळी एक मृतदेह आढळून आला. खून करुन पुरावा नष्‍ट करण्‍याच्‍या हेतूने हा प्रकार करण्‍यात आला असावा, असा प्राथमिक अंदाज पोलिसांनी वर्तवला आहे. विजय सर्जेराव सुर्वे (वय ४०, रा. चिंचवड, पुणे) असे मयताचे नाव आहे.

- सुरक्षा रक्षक असतानाही चोरट्यांनी मारला डल्ला; पुण्यात घरफोडीच्या ६ घटना​

याबाबत पोलिसांनी दिलेल्या माहितीनुसार, बुधवारी (ता.१०) सकाळी मुळशी खुर्द येथील दिशाज हॉटेलच्‍याजवळील रस्‍त्‍याकडेला एक व्‍यक्‍ती पडलेला दिसून आला. दारू पिऊन कोणी पडले असेल म्हणून ग्रामस्‍थांनी दुर्लक्ष केले; परंतु पालथ्‍या पडलेल्‍या व्‍यक्‍तीच्‍या आसपास रक्‍त दिसून आल्‍याने ग्रामस्‍थांनी याबाबत पोलिसांना कळवले. मृत व्यक्तीची ओळख पटल्यानंतर सगळीकडे चर्चा सुरू झाली. मृत विजय सुर्वे यांनी पिंपरी-चिंचवड येथील मोहननगरचे शिवसेनेचे शाखाप्रमुख पद भूषवले होते. 

- Cyber Attack : पिंपरी-चिंचवड स्मार्ट सिटीच्या सर्व्हरवर सायबर हल्ला; हल्लेखोरांनी मागितली बिटकॉइनची खंडणी​

पौड पोलिस स्टेशनचे वरिष्ठ पोलिस निरीक्षक अशोक धुमाळ, सहाय्यक पोलिस निरीक्षक विनायक देवकर, भालचंद्र शिंदे, पोलिस उपनिरीक्षक श्रीकांत जाधव, मृगदीप गायकवाड, पोलिस हवालदार शंकर नवले, बीट अमंलदार सचिन शिंदे, पोलिस नाईक चंद्रशेखर हगवणे आदींनी घटना स्थळावर जाऊन पाहणी केली. मयत व्‍यक्‍तीच्‍या डोक्‍यात जबर मारहाण करुन खून केला असून पुरावा नष्‍ट करण्‍यासाठी मृतदेह फेकण्‍यात आला असल्‍याचा पोलिसांचा प्राथमिक अंदाज आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)