पेठला जळत्या गाडीचा थरार पाहून अंगावर शहारे!

सातगाव पठार : पेठ (ता. आंबेगाव) येथील पुणे-नाशिक राष्ट्रीय महामार्गावर आज सकाळी साडेनऊच्या सुमारास पेठ बायपास वरील पुलानजीक एक टाटा जेस्ट गाडी क्रमांक (MH14EY8450) ही फोरव्हीलर पेट्रोल गाडीने अचानक पेट घेतला. गाडी मालक प्रदीप सोमवंशी राहणार भोसरी आदित्य नगर यांना गाडीचा डॅश बोर्डवर सूचना आल्यानंतर गाडी पटकन बाजूला घेतली असता थोडा धुर दिसला. बोनेट उघडल्यावर जाळ बाहेर आला. जाळ आटोक्यात न आल्यामुळे गाडीने प्रचंड पेट घेतला. आणि पाहता-पाहता गाडी जळून खाक झाली. हायवेवर गाडी पेटल्यामुळे काही काळ वाहतूक विस्कळीत झाली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

तसेच महामार्गावर बघ्यांची गर्दी झाली होती. पेठ येथील मृत्यूंजय दूत दिलीप धुमाळ यानी महामार्ग पोलिस आणि मंचर पोलिसांना फोन करून घटनेची कल्पना दिली. याकामी मृत्युंजय दूत अशोक राक्षे, माजी उपसरपंच अनिल सनस, संजय वाव्हळ यांनी घटनास्थळी वाहतूक सुरळीत करण्यासाठी मदत केली.

पुणे विद्यापीठाचा कोट्यवधींचा निधी राज्य सरकारकडे थकीत; रक्कम ऐकून बसेल धक्का!

घटनास्थळी आळेफाटा महामार्ग वरिष्ठ पोलिस उपनिरीक्षक संजय सुतनासे यांच्या सुचनेनुसार लगेचच त्यांचे सहकारी पोलिस फौजदार दादासाहेब मोशे, प्रकाश मडके तसेच मंचर पोलिस स्टेशनचे राजेंद्र हिले, संजय नाडेकर तसेच उबाळे हे पोलिस कर्मचारी हजर होऊन वाहतूक सुरळीतपणे केली.

(संपादन : सागर डी. शेलार)