ओतूर येथे मोफत नेत्र तपासणी शिबिर

ओतूर, ता. १८ ः ओतूर (ता. जुन्नर) येथे डिसेंट फाउंडेशन, जुन्नर व ज्येष्ठ नागरिक संघ, ओतूर यांचे सहकार्याने आर झुनझुनवाला शंकरा आय हॉस्पिटल, पनवेल, मुंबई यांच्यामार्फत रविवारी (ता. १८) नेत्र तपासणी व मोतीबिंदू शस्त्रक्रिया शिबिर राबविण्यात आले. या शिबिरात एकूण १२२ महिला व पुरुष यांची नेत्र तपासणी करण्यात आली. यामध्ये ४२ रुग्णांना मोतीबिंदू शस्त्रक्रियेसाठी आर झुनझुनवाला शंकरा आय हॉस्पिटल येथे पाठविले. हे शिबिर यशस्वी करण्यासाठी फाउंडेशनचे संस्थापक अध्यक्ष जितेंद्र बिडवई, गणेश मेहेर व त्यांचे सहकारी, आर झुनझुनवाला शंकरा आय हॉस्पिटलचे शिबिर समन्वयक डॉ. प्रकाश पाटील व त्यांचे सहकारी उपस्थित होते. तसेच, ओतूर ज्येष्ठ नागरिक संघांचे अध्यक्ष रा. ज्ञा. डुंबरे, सचिव बाबाजी डुंबरे, आत्माराम खराडे, कार्याध्यक्ष मा. ल. जाधव, उपाध्यक्ष किसन फापाळे, महादेव ओतूरकर, भि. स. माळवे, अशोक सहाणे, विलास सुतार, कांचन थोरात, बबन डुंबरे, एकनाथ डुंबरे, रामदास ढमाले, शांताराम पानसरे, बाळासाहेब हाडवळे यांचे मोलाचे सहकार्य लाभले.