पुणे : पुण्यात शिक्षणासाठी परगावाहून आलेल्या विद्यार्थी आणि बेघर कामगारांनी पुणेकरांच्या मायेची ऊब आज अनुभवली. कालपासून उपाशी असलेल्यांना अन्नाचा घास, तर विद्यार्थ्यांना घरपोच जेवण मिळाले.
पुण्यात लॉक डाऊनमुळे हॉटेल खानावळी बंद आहेत. अनेक विद्यार्थ्यांना जेवण कुठे मिळणार, ही चिंता आहे. परगावाहून कामासाठी आलेल्या कामगारांना खिशात पैसा आहे; पण अन्न मिळणे मुश्कील झाले आहे. अशा सर्व गरजूंचा आज पुण्यातील आदिनाथ मित्र परिवार आणि अर्हम फाऊंडेशन यांनी जेवणाचा प्रश्न सोडविला. विद्यार्थी आणि बेघर गरजू असलेल्या एक हजार जणांना या परिवाराने जेवणाची पाकिटे दिली.
बातम्या ऐकण्यासाठी डाऊनलोड करा ई-सकाळचे ऍप
डॉ. धनराज सुराणा यांनी या उपक्रमासाठी पुढाकार घेतला आहे. ते म्हणाले, "अनेक विद्यार्थ्यांना जेवण मिळणे कठीण आहे, तसे कामासाठी पुण्यात आलेल्या कामगारांना जेवण मिळत नाही. म्हणूनच काही मित्र परिवार पुढे आला आणि हा उपक्रम सुरू केला आहे. गरजूंपर्यंत जेवण पोचविले जात आहे. पण ज्यांचे पुण्यात घर आहे, तेही जेवणाची मागणी करीत आहे. आम्ही बेघर आणि परगावाहून आलेल्या विद्यार्थ्यांची सेवा करीत आहोत. ज्यांची पुण्यात राहण्याची, जेवणाची व्यवस्था आहे, त्यांनी इतरांचा विचार केला पाहिजे. आम्ही दोन हजार जेवणाची पाकिटे देण्याचा प्रयत्न करणार आहोत.
अर्हमचे डॉ. शैलेश पगारिया यांनी सांगितले, की एमपीएससीची तयारी करणारे विद्यार्थी त्यांच्या घरी जाऊ शकले नाहीत. त्यांच्या जेवण व्यवस्थेचा मोठा प्रश्न आहे. आम्ही अशा अडीचशे जणांपर्यंत पोचू शकलो. आणखी गरजू मुले आहेत. त्यांनाही जेवण देणार आहोत.
कोरोनाच्या पार्श्वभूमीवर पुणे विद्यापीठाने परीक्षांबाबत घेतला मोठा निर्णय!
मोफत जेवणासाठी संपर्क (फक्त परगावच्या गरजू व्यक्तींसाठी) +919371275119 (डॉ. धनराज सुराणा), 951-164-6012 (स्वराज पगारिया)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.