Strawberry Farming : आंबेगावच्या आदिवासी भागात गुलाबी क्रांती; ५५ शेतकऱ्यांनी पारंपरिक पिकांना निवडला पर्याय

- अविनाश घोलपफुलवडे - आंबेगाव तालुक्याच्या पश्चिम आदिवासी भागातील १७ गावांमधील ५५ शेतकऱ्यांनी पारंपरिक पिकांना पर्याय म्हणून स्ट्रॉबेरीसारख्या नगदी पिकातून शाश्वत उत्पन्नाचा स्रोत निर्माण केला आहे. .या भागात गेल्या दोन वर्षांपासून स्ट्रॉबेरीचे पीक घेतले जात असून, उत्पादन चांगले मिळत असल्याने दिवसेंदिवस स्ट्रॉबेरी उत्पादक शेतकऱ्यांच्या संख्येत मोठी वाढ होताना दिसत आहे. शेतकऱ्यांच्या जीवनात गुलाबी क्रांती येऊ लागली आहे..या गावांमध्ये स्ट्रॉबेरी उत्पादनफलोदे, तळेघर, जांभोरी, गाडेवाडी,गोहे बुद्रुक, गोहे खुर्द, राजेवाडी,पोखरी, चिखली, पाटण, डोण,माळीण, असाणे, बोरघर, अडिवरे, पंचाळे, निगडाळे..या कारणांमुळे कलकेंद्रीय अर्थसंकल्प योजनेअंतर्गत (न्यूक्लिअस बजेट) अंतर्गत अनुसूचित जमातीच्या शेतकऱ्यांना शेतात स्ट्रॉबेरी लागवडीस अर्थसहाय्य मिळत आहे.भीमाशंकर येथील तीर्थक्षेत्र व पर्यटनासाठी राज्यभरातून असंख्य भाविक, पर्यटक या भागात येत असल्याने चांगले स्ट्रॉबेरी खेरदीसाठी उपलब्ध ग्राहक.शासनाकडून अनुदान तसेच स्ट्रॉबेरीचे उत्पादन ही चांगले मिळत असल्याने शेतकऱ्यांचा स्ट्रॉबेरीकडे कल.स्ट्रॉबेरीसाठी शेतकऱ्यांना कृषी विभागाकडून कृषी सहायक आर. के. विरणक, कृषी पर्यवेक्षक सी. डी. डामसे यांचे मार्गदर्शन मिळत आहे..मी गेल्या वर्षापासून स्ट्रॉबेरीचे पीक घेत आहे. आम्हाला पारंपरिक भात पिकात जास्त उत्पन्न मिळत नव्हते. त्यामुळे मागील वर्षी प्रायोगिक तत्त्वावर स्टॉबेरीचे पीक घेऊन पाहिले. स्टॉबेरीच्या पिकात चांगले उत्पन्न मिळाल्याने यंदा अधिक दोन गुंठ्यात स्ट्रॉबेरीची लागवड केली आहे. या पिकासाठी आम्हाला शासनाकडून अनुदानही मिळत आहे. त्यामुळे आम्हाला खूप मदत होत आहे.- ढवळा पांडुरंग रडे, शेतकरी, फलोदे (ता. आंबेगाव).मी ५ गुंठे क्षेत्रात स्ट्रॉबेरीची लागवड केली आहे. पिकाचे उत्पादन चांगले मिळत आहे. दररोज चांगला व्यवसाय होत असल्याने उदरनिर्वाहासाठी पैसे मिळतात. इतर पिकांमधून ठरावीक वेळेलाच हातात पैसे येतात, परंतु स्ट्रॉबेरीच्या व्यवसायाने जीवनाला हातभार लागण्यास मदत झाली आहे.- शिवाजी रेवजी भवारी, शेतकरी, तळेघर (ता. आंबेगाव).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.