पुणे - सहकुटुंब गणेश दर्शन आणि विविध मंडळांचे देखावे पाहण्यासाठी आलेल्या एकाची रिक्षा चोरून नेल्याची घटना शनिवारवाडा परिसरात रविवारी (ता. ३१) घडली. या प्रकरणी चोरट्यांवर विश्रामबाग पोलिस ठाण्यात गुन्हा दाखल करण्यात आला..याबाबत एका रिक्षाचालकाने फिर्याद दिली आहे. पोलिसांनी दिलेल्या माहितीनुसार, फिर्यादी रिक्षाचालक हे रविवारी दुपारी कुटुंबीयांसोबत देखावे पाहण्यासाठी आले होते. त्यांनी त्यांची शिक्षा शनिवारवाडा परिसरात लावली व ते देखावे पाहण्यासाठी गेले. चोरट्यांनी बनावट चावीचा वापर करून रिक्षा चोरून नेली..देखावे पाहून रिक्षाचालक तेथे आला. तेव्हा रिक्षा जागेवर नसल्याचे आढळून आले. त्यानंतर त्याने पोलिसांकडे तक्रार दिली. चोरीला गेलेल्या रिक्षाची किंमत ७५ हजार रुपये असल्याचे फिर्यादीत नमूद आहे. पोलिस हवालदार कोकाटे या गुन्ह्याचा तपास करत आहेत..दुचाकी चोरीलादेखावे पाहण्यासाठी आलेल्या तरुणाची दुचाकी चोरीला गेल्याची घटना देखील घडली आहे. तरुण शनिवारवाडा परिसरात दुचाकी लावून देखावे पाहण्यासाठी गेला होता. याबाबत तरुणाने फरासखाना पोलिस ठाण्यात फिर्याद दिली आहे..तक्रारदार तरुण वाकड परिसरात राहायला आहे. शनिवारी (ता.३०) तरुण मित्रासोबत देखावे पाहण्यासाठी आला होता. शनिवारवाडा परिसरातील सूर्या रुग्णालयाजवळ त्याने दुचाकी लावली. दुचाकी चोरून चोरटे पसार झाले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
