पुणे - भारतीय आणि परदेशी चलनाच्या बनावट नोटा घेऊन पुण्यात आलेल्या टोळीला पुणे पोलिस आणि लष्कराच्या गुप्तचर यंत्रणेने ताब्यात घेतले असून त्यांच्याकडून तब्बल सात कोटी रुपयांच्या बनावट नोटा जप्त करण्यात आल्या आहेत.
- पुण्याच्या बातम्या वाचण्यासाठी येथे ► क्लिक करा
या कारवाईत सहा जणांना ताब्यात घेण्यात आले असून त्यातील एक व्यक्ती लष्करात कार्यरत आहे. संबंधित कारवाई येरवड्यात झाली असल्याची प्राथमिक माहिती असून जप्त करण्यात आलेल्या रकमेची मोजणी सुरू आहे.
लष्कराच्या गुप्तचर यंत्रणेला याबाबत माहिती मिळाली होती. त्यानुसार त्यांनी पुणे पोलिसांना ही माहिती दिली. बनावट नोटा शहरात येणार असल्याची माहिती मिळताच पुणे पोलिसांच्या गुन्हे शाखेने संबंधितांना ताब्यात घेण्यासाठी सापळा रचला. त्यानुसार झालेल्या कारवाईत सहा जणांना ताब्यात घेण्यात आले आहे. त्यातील एक व्यक्ती लष्करात कार्यरत असलेली आहे, अशी माहिती गुन्हे शाखेकडून देण्यात आली आहे.
नोटा नेमक्या कुठून आल्या? त्या कुठे तयार करण्यात आल्या? नेमकी रक्कम किती आहे? आणि यात आणखी कोणाचा सहभाग आहे का? याचा तपास पोलिस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.