गणपतराव गडगे यांचे निधन

आळेफाटा, ता. ३ ः ज्येष्ठ ओबीसी नेते गणपतराव गडगे (वय ७८) यांचे निधन झाले. सत्तरच्या दशकात मुंबईतील ओबीसी चळवळीच्या स्थापनेपासून ते ओबीसींच्या हक्कांसाठी कार्यरत होते. ओबीसी आर्थिक विकास महामंडळाची स्थापना, ओबीसी विद्यार्थ्यांना शिष्यवृत्ती, मंडल आयोगाची संपूर्ण अंमलबजावणी यासाठी गडगे यांनी वेळोवेळी मोर्चे, आंदोलन, उपोषण केले. असंघटित कामगार, उपेक्षित, वंचित, गरीब वर्गासाठी आयुष्य समर्पित करणारे गडगे यांच्या निधनाने विविध संघटना व कार्यकर्ते यांच्याकडून दुःख व्यक्त करण्यात आले. गडगे यांच्या कार्याप्रती ओबीसी समाज कायम कृतज्ञ राहणार असल्याची प्रतिक्रिया राष्ट्रीय ओबीसी महासंघाचे महासचिव सचिन राजूरकर, मुस्लिम ओबीसी नेते शब्बीर अन्सारी, इक्बाल अन्सारी, कमलाकर दरवडे यांनी दिली.