कात्रज - स्वारगेट एसटी बसडेपोजवळ असलेल्या पोलिस वसाहतीमधील एका घरात गॅस सिलिंडरने पेट घेतल्याची घटना आज (ता. २०) दुपारी घडली. आगीला स्थानिकांनी आटोक्यात आणण्याचा प्रयत्न केला..मात्र, आग पूर्णपणे आटोक्यात न आल्याने भवानी पेठ अग्निशमन दलाच्या जवानांनी घटनास्थळी दाखल होत सिलेंडर ताब्यात घेऊन कुलिंग केले, त्यामुळे धोका टळला. या आगीमध्ये कोणालाही इजा किंवा कोणीही जखमी झाले नाही..आम्ही घटनास्थळावर पोहचेपर्यंत स्थानिकांनी सिलेंडरवर चादर टाकली होती. त्यामुळे जास्त काही अडचणीचा प्रसंग उद्भवला नाही. त्यानंतर आम्ही तो सिलिंडर ताब्यात घेत कुलिंग केले. त्यामुळे धोका टळला..यापुढेही नागरिकांनी अशी घटना घडल्यास त्यावर पाण्याने भिजवून चादर टाकून प्राथमिक उपाययोजना केल्यास मोठी दुर्घटना टाळण्यास मदत होईल, असे भवानी पेठ अग्निशामक दलाचे प्रभारी प्रशांत गायकर यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
