Farmers in Saloba Mala, Ghodegaon, face crop losses after an eight-day power outage.
esakal
घोडेगाव : येथील सालोबा मळा येथील शेतकरी यांना मागील तब्बल ८ दिवसांपासून १०० KV ची DP (ट्रांसफॉर्मर) जळल्यामुळे संपूर्ण परिसराचा वीजपुरवठा खंडित झाला आहे. परिणामी, पाणी उपलब्ध असूनही पिकांना देता येत नसल्याने सुमारे ३० हेक्टर क्षेत्रावरील पिके जळून खाक झाली आहेत. शेतीमालाचे अतोनात नुकसान झाल्याने शेतकरी पूर्णपणे अडचणीत सापडला आहे. वीज मंडळाच्या विरोधात तीव्र आंदोलन करण्याचा इशारा त्यांनी दिला आहे.
जनावरांच्या पिण्याच्या पाण्यासाठीही दाहीदिशा भटकावे लागत आहे. महावितरणच्या या गलथान कारभाराविरोधात परिसरातील शेतकऱ्यांमधून तीव्र संताप व्यक्त केला जात आहे.
