अंगणवाडी सेविकांना हेल्थ कार्ड द्या - सुप्रिया सुळे

पुणे - जिल्ह्यातील अंगणवाडी पर्यवेक्षिका, सेविका आणि मदतनिसांना जिल्हा परिषदेच्या आरोग्य विभागामार्फत हेल्थ कार्ड देण्याची सूचना खासदार सुप्रिया सुळे यांनी पुणे जिल्हा परिषद प्रशासनाला केली आहे. तसेच, येत्या सहा महिन्यांत याबाबत अंमलबजावणी व्हावी, अशी अपेक्षाही त्यांनी व्यक्त केली. 

ताज्या बातम्यांसाठी डाऊनलोड करा ई-सकाळचे ऍप

अंगणवाड्या आणि सेविकांच्या समस्या जाणून घेऊन त्यावर उपाययोजना करण्यासाठी सुळे यांनी जिल्हा परिषदेत आढावा बैठक घेतली, त्या वेळी त्यांनी ही सूचना केली. या प्रसंगी जिल्हा परिषद अध्यक्षा निर्मला पानसरे, उपाध्यक्ष रणजित शिवतरे, महिला व बालकल्याण सभापती पूजा पारगे, समाजकल्याण सभापती सारिका पानसरे, मुख्य कार्यकारी अधिकारी आयुष प्रसाद, उपमुख्य कार्यकारी अधिकारी दत्तात्रेय मुंडे, संदीप कोहिनकर, राष्ट्रवादी काँग्रेस महिला आघाडीच्या प्रदेशाध्यक्षा रूपाली चाकणकर उपस्थित होते.

पुणे रेल्वे स्टेशनवरून कोणत्या गाड्या केल्या रद्द? का?

अंगणवाडी सेविकांच्या आरोग्याची तपासणी होणे महत्त्वाचे आहे. त्यासाठी हेल्थ कार्ड करून द्यावे. वर्षातून एकदा तपासणी होणे आवश्‍यक आहे. जिल्हा कुपोषणमुक्त करणे, गर्भवतींसाठी विशेष मोहीम आखणे, अंगणवाड्यांमध्ये पिण्याच्या पाण्याची सोय करणे आदीबाबत सुळे यांनी सूचना केल्या.