बाणेर-बालेवाडी परिसरातील सफाई कामगारांचा सन्मान

बालेवाडी, ता. ९ ः जागतिक महिला दिनाच्या निमित्ताने राजाभाऊ गुडदे फाउंडेशनतर्फे बाणेर-बालेवाडी परिसरातील रस्ते साफसफाई करणाऱ्या महिला कामगारांचा सन्मान करण्यात आला. या कार्यक्रमामध्ये महिला कामगारांना साडी, पुष्पगुच्छ देऊन त्यांच्या मेहनतीबद्दल कृतज्ञता व्यक्त करण्यात आली.

दररोज शहर स्वच्छ ठेवण्यासाठी परिश्रम करणाऱ्या या महिलांच्या कार्याचा गौरव करण्यासाठी हा उपक्रम राबविण्यात आला. फाउंडेशनतर्फे अशा समाजोपयोगी उपक्रमांद्वारे समाजातील विविध घटकांना प्रोत्साहन देण्याचा प्रयत्न केला जात असल्याचे या वेळी सांगण्यात आले.
उपस्थित महिलांनी या सन्मानाबद्दल आनंद व्यक्त करत राजाभाऊ गुडदे फाउंडेशनचे आभार मानले.