पुणे : पुण्यात अडकून पडलेल्या विद्यार्थ्यांना गावाकडे जाण्यासाठी परवानगी मिळत नसल्याने विद्यार्थ्यांनी सरकारवर टीकेची झोड उठवली. मंत्री राजेंद्र पाटील यड्रावकर यांनी विद्यार्थ्यांना गावाकडे पाठविण्यासाठी उपाययोजना करावी असे पत्र पाठवले आहे. त्यामुळे आता सरकारही सकारात्मक असल्याचे दिसत आहे.
गेल्या आठवड्यापासून पुण्यात स्पर्धा परीक्षेचा अभ्यास करणारे विद्यार्थी त्यांना गावाकडे जाण्यासाठी परवानगी मिळावी यासाठी प्रयत्न करत होते. त्यासाठी २ हजार ३०० जणांची माहिती प्रशासनाला सादर केली. मात्र त्याची दखल घेतली नाही. दरम्यान, कोटा येथील विद्यार्थांना महाराष्ट्रात आणले तरीही पुण्यातील विद्यार्थ्यांबाबत सरकारने काहीच केले नाही.
राज्यातील काही नेते दिल्लीतील विद्यार्थी महाराष्ट्रात आणण्यासाठी मुख्यमंत्र्यांकडे मागणी करत आहेत, पण पुण्यातील विद्यार्थांची कोणती दखल घेत नसल्याने विद्यार्थ्यांनी ट्विटरवरून संताप व्यक्त करण्यात सुरूवात केली. "आम्ही शेतकर्यांची पोर, गरीब आहेत म्हणून दुर्लक्ष करता का?" असा प्रश्न विद्यार्थ्यांनी विचारला.
कोरोनाशी संबंधित पुण्याच्या बातम्या वाचण्यासाठी येथे ► क्लिक करा
मदतीसाठी #punestudents हा ट्रेंड निर्माण करून विद्यार्थांनी सरकारला धारेवर धरेल. आम्हाला १४ दिवस नाही तर एक महिना क्वारंटाईन करा, पण गावाकडे जाऊ द्या अशी मागणी केली. टीकेची धार वाढल्यानंतर आमदार रोहित पवार, स्वाभीमानी शेतकरी संघटनेचे अध्यक्ष राजू शेट्टी यांनी विद्यार्थ्यांना घरी पाठविण्यासाठी सरकारकडे पाठपुरावा करून असे आश्वासन दिले.
राजेंद्र पाटील यड्रावकर यांनीही यासंदर्भात ट्विट केले. "पुण्यात अडकून पडलेल्या विद्यार्थांच्या अडचणी समजून घेतल्या आहेत. त्यांना गावाकडे पाठवून देण्यासाठी मुख्यमंत्री उद्धव ठाकरे यांच्यासह आपत्ती व्यवस्थापन विभागास पत्र व विद्यार्थांची यादी पाठविली आहे", असे त्यांनी सांगितले. तसेच दिल्लीतील विद्यार्थीही महाराष्ट्रात आणण्यासाठी पत्र दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.