पुनर्वसित गोवेदिगरमध्ये विकास कामांचे उद्घाटन

गोवेदिगरमध्ये विकासकामांचे उद्‍घाटन

भुईंज, ता. २१ : वाई तालुक्याच्या पूर्व भागातील धोम प्रकल्पग्रस्त गोवेदिगर गावात राज्याचे मदत व पुनर्वसनमंत्री मकरंद पाटील यांच्या पाठपुराव्यामुळे मंजूर झालेल्या विकासकामांचे उद्‍घाटन नुकतेच करण्यात आले.
किसन वीर कारखान्यानजीक गोवेदिगर येथे कारखान्याचे उपाध्यक्ष प्रमोद शिंदे यांच्या हस्ते गावातील रस्ता डांबरीकरण करणे, काळुबाई मंदिरापुढे प्लेवर ब्लॉक बसवणे, विजेचे १६ खांब बसवणे, तसेच बौद्ध विहार येथे रस्ता सिमेंट काँक्रिटीकरण करणे, अशा विविध कामांचे उ‌द्‍घाटन करण्यात आले. यावेळी पुनर्वसनबाबतची प्रलंबित कामे पूर्ण करण्याचे आश्वासन दिले.
यावेळी राष्ट्रवादी काँग्रेसचे कांतिलाल पवार, संचालक प्रकाश धुरगुडे, बापू सोनवणे, सुधीर गायकवाड, प्रमोद वारागडे, सर्जेराव पवार, सतीश निकम, सागर भिंताडे आदी उपस्थित होते.
तानाजी पिसाळ यांनी स्वागत केले. कार्यक्रमासाठी आम्रपाली चव्हाण, साहेबराव पिसाळ, यशवंत पिसाळ, प्रकाश साळुंखे, बबन चव्हाण, प्रकाश पिसाळ, सज्जन पिसाळ, दीपक जाधव, संपत गायकवाड, जयसिंग पिसाळ, सुनील जाधव, बाळासाहेब जाधव, दत्तात्रय चव्हाण, शत्रुघ्न पिसाळ, अनिल साळुंखे, संजय पिसाळ, ज्ञानदेव पिसाळ, गणपत सणस आदी उपस्थित होते. ॲड. जितेंद्र पिसाळ यांनी आभार मानले.

-----------------------------

01542
गोवेदिगर ः येथे विकासकामांचे उद्‍घाटन करताना प्रमोद शिंदे, कांतिलाल पवार, आम्रपाली चव्हाण, साहेबराव पिसाळ आदी.

----------------------------