मंचर - 'सामाजिक, शैक्षणिक व धार्मिक क्षेत्रात योगदान असलेले दानशूर व्यक्तिमत्व जितेंद्र पिंगळे व त्यांच्या पत्नी शितल या दांपत्याने समाजहिताला प्राधान्य देऊन अनेक कामे केली आहेत..पळसटीका-घोडेगाव, सह्याद्री बालगृह (ता. आंबेगाव) येथे साठ फूट उंचीचे उभारलेले श्री शिव वैश्विकउर्जा शिल्प लक्षवेधक असून श्री क्षेत्र भीमाशंकर येथे दर्शनाला जाणारे सर्व भाविक भक्तांसाठी पुढील काळात हे पवित्रस्थान प्रसिद्ध होईल. भीमाशंकर प्रमाणेच येथे भक्तांचा ओघ वाढेल. असा विश्वास म्हाडाचे अध्यक्ष व माजी खासदार शिवाजीराव आढळराव पाटील यांनी व्यक्त केला..पळसटीका-घोडेगाव येथे सह्याद्री निराधार बालक आश्रमाच्या आवारात पिंगळे यांनी उभारलेल्या शिवशिल्पाचा लोकार्पण सोहळा आढळराव पाटील, शिवव्याख्याते गुलाबराव वळसे पाटील, व्याख्याते गणेश शिंदे, पांडुरंग महाराज येवले, अंजना सहादू पिंगळे व सहादू मारुती पिंगळे व यांच्या हस्ते झाला..यावेळी आमदार महेश लांडगे, आमदार बाबाजी काळे, रोहिदास येवले, अशोक पिंगळे, संतोष पिंगळे, मिलिंद कवडे, विठ्ठलराव पिंगळे, मंगल हुले, नवनाथ हुले व सोपानराव हुले, रवींद्र बंगाल, नारायण हुले पाटील व नारोडी, पळस्टीका, घोडेगाव, चास, लांडेवाडी व मंचर येथील ग्रामस्थ उपस्थित होते.आलेल्या पाहुण्यांचे स्वागत पिंगळे, सह्याद्री बालगृह संस्थेचे सचिव विलास पंदारे व वैशाली पंदारे यांनी केले..वळसे पाटील म्हणाले, 'अनाथ बालकांना आई-वडिलांप्रमाणे प्रेम देण्याचे काम पिंगळे व पंदारे करतात.'जितेंद्र पिंगळे म्हणाले, 'माझी आई अंजना व वडील सहादू यांचे आशीर्वाद व पत्नी शितल हिची मिळालेली साथ यामुळे आज मी उभा आहे. तरुण पिढीवर चांगले संस्कार व्हावे. या उद्देशाने येथे शिवशिल्प उभारले आहे..परिसरात उद्यान उभे केले जाणार असून, भीमाशंकर रस्त्यावरील हे ठिकाण पुढे धार्मिक व पर्यटन स्थळ म्हणून ओळखले जावे. अशा पद्धतीने हा परिसर विकसित केला जाईल.' या प्रसंगी उल्लेखनीय कार्य केलेल्या १५ जणांना यावेळी प्रमाणपत्र सन्मानचिन्ह शाल देऊन सन्मानित करण्यात आले.अॅड. निलेश आंधळे, अॅड. सुनिता चासकर, विलास सस्ते पाटील व घोडेकर परिवार यांनी व्यवस्था पाहिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
