मंचर - 'मराठा आरक्षण आंदोलनाचे नेते मनोज जरांगे पाटील गुरुवारी (ता. २८) रोजी सकाळी साडे आठ वाजता आंबेगाव तालुक्यात प्रवेश करणार आहेत. कळंब, मंचर व पेठ येथे त्यांच्या स्वागताची जय्यत तयारी केली आहे..२५ जेसीबी यंत्रांद्वारे त्यांच्यावर ठिकठीकाणी पुष्पवृष्टी करून ढोल-ताशाच्या गजरात त्यांचे जल्लोषात स्वागत करण्याचा निर्णय मंचर (ता. आंबेगाव) येथे बुधवारी (ता. २७) रात्री झालेल्या आंबेगाव तालुका सकल मराठा समाज्याच्या बैठकीत घेण्यात आला..एकलहरे, मंचर बस स्थानकासमोर, शेवाळवाडी, अवसरी फाटा येथे पूर्व भाग ग्रामस्थ भोरवाडी, तांबडेमळा व पेठ येथे सातगाव पठार ग्रामस्थ व सकल मराठा समाजाच्या वतीने स्वागत, चहा-नाश्ता व जेवणाची व्यवस्था केली आहे..आंबेगाव तालुक्यातून ‘चलो मुंबई’ आंदोलनाला उस्फुर्त प्रतिसाद मिळत आहे. मंचर येथे सकाळी नऊ वाजता व पेठ येथे सकाळी साडे नऊ वाजता जरांगे पाटील यांचे आगमन होईल. त्यांनतर ते राजगुरुनगरकडे रवाना होतील..झालेल्या बैठकीला रमेश येवले, अजय घुले, बाबाजी चासकर, अंकुश लांडे पाटील, सुरेश निघोट, सुरेखा निघोट, निलेश वळसे पाटील, संजय चिंचपूरे, गणेश खानदेशे, परशुराम भेके, योगेश बांगर, अभिषेक निघोट यांच्यासह प्रमुख उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
