पुणे - खडकी शिक्षण संस्थेच्या टिकाराम जगन्नाथ कला, वाणिज्य व विज्ञान महाविद्यालयात पुणे पुस्तक महोत्सवांतर्गत वाचन संस्कृतीला जागतिक व्यासपीठावर नेणारा विश्वविक्रम रचला गेला. .महोत्सवात ‘शांतता पुणेकर वाचत आहेत’ या उपक्रमात सहभागी झालेल्या वाचकांचे पुस्तक वाचतानाचे छायाचित्र वापरून मराठी देवनागरीत लिपीत ‘पुस्तक’ या शब्दाची भव्य प्रतिकृती उभारण्यात आली. यासाठी तब्बल १७ हजार एक वाचकांच्या छायाचित्रे वापरली असून त्याद्वारे विश्वविक्रम रचण्यात आला..हा विश्वविक्रम कोहिनूर ग्रुपतर्फे साकारण्यात आला. यावेळी खडकी शिक्षण संस्थेचे अध्यक्ष कृष्णकुमार गोयल, महोत्सवाचे मुख्य संयोजक अध्यक्ष राजेश पांडे, राष्ट्रीय पुस्तक न्यासाचे अध्यक्ष मिलिंद मराठे, महाविद्यालयाचे प्राचार्य डॉ. संजय चाकणे, संस्थेचे सचिव आनंद छाजेड आदी उपस्थित होते..मराठे म्हणाले, ‘हा उपक्रम म्हणजे वाचन संस्कृतीचे वैचारिक आंदोलन आहे. याद्वारे केवळ विश्वविक्रम नोंदविला गेला नाही, तर वाचनाचे सामाजिक मूल्य अधिक दृढ झाले आहे.’.पांडे म्हणाले, ‘पुण्याची समृद्ध वाचन परंपरा जागतिक स्तरावर नेण्याचे कार्य या उपक्रमातून झाले आहे.’, तर गोयल म्हणाले, ‘वाचन ही केवळ शैक्षणिक गरज नसून समाजात शांतता, संस्कार आणि वैचारिक प्रगल्भता निर्माण करणारी चळवळ आहे.’ प्रास्ताविक बागेश्री मंठाळकर यांनी केले. तर छाजेड यांनी उपस्थितांचे आभार मानले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
