आंबेगाव, खेडमधील आदिवासी मुलांना किराणा

फुलवडे, ता. ४ ः आंबेगाव व खेड तालुक्यातील दुर्गम, डोंगराळ व अतिवृष्टीच्या भागात राहणाऱ्या आर्थिकदृष्ट्या दुर्बल व आदिवासी कुटुंबातील विद्यार्थ्यांसाठी शाश्वत संस्था मंचर, लुब्रिझोल इंडिया, इंडिया फूड बँकिंग नेटवर्क (दिल्ली) यांच्या वतीने डिसेंबर २०२५मध्ये किराणा किट वाटप उपक्रम राबविण्यात आल्याची माहिती शाश्वत संस्थेच्या विश्वस्त प्रतिभा तांबे यांनी दिली.
आंबेगाव तालुक्यातील माळीण, आमडे, बोरघर, कोकणेवाडी, महाळुंगे तर्फे घोडा, सुपेधर, शिनोली, चिंचेचीवाडी, मायंबावाडी, वाळुंजवाडी, दस्तुरवाडी व खेड तालुक्यातील जावळेवाडी, मंदोशी, शिरगाव या गावांमधील कातकरी, ठाकर, महादेव कोळी, वडार तसेच आर्थिकदृष्ट्या दुर्बल तसेच मुस्लीम समाजातील एकूण ३७५ विद्यार्थ्यांना जीवनावश्यक व पोषणमूल्ययुक्त किराणा किटचे वाटप करण्यात आले.
किराणा किटमध्ये रवा, शेंगदाणे, गूळ, लापशी, पोहे, डाळ व दूध यांचा समावेश करण्यात आला होता.
कीट वाटपप्रसंगी मानस शाश्वत संस्थेचे कोषाध्यक्ष अशोक आढाव, सुलोचना गवारी, कार्यकर्ते शंकर लांघी, स्मिता साळवे, अनिता पारधी आदी उपस्थित होते.