Gude-Pachgani Tourism
esakal
शिवाजी चौगुले: सकाळ वृत्तसेवा शिराळा, ता. ८ : शिराळा व शाहूवाडी तालुक्यातील चांदोलीलगतच्या व पठार परिसरातील धबधबे, हिरवाईने नटलेल्या डोंगरदऱ्या आणि ‘वारणा’काठचा निसर्गरम्य परिसर पर्यटकांसाठी पर्वणी ठरत आहे. समाजमाध्यमांवर मोठ्या प्रमाणात व्हायरल झालेल्या गुढे-पाचगणीच्या निसर्गसौंदर्यामुळे आणि मनसेचे जिल्हाप्रमुख तानाजी सावंत यांनी सुरू केलेल्या ‘गुढे-पाचगणी मॉन्सून फेस्टिव्हल’मुळे ‘मिनी महाबळेश्वर’ म्हणून ओळखल्या जाणाऱ्या या पठारावर पर्यटकांची गर्दी वाढू लागली आहे. गेल्या दोन महिन्यांत सुमारे दहा हजारांहून अधिक पर्यटकांनी येथे भेट दिली आहे. शनिवार-रविवारी गर्दी वाढत असून, शैक्षणिक सहलीही येऊ लागल्या आहेत.
